【英國版安心出行!】⁣

萬眾期待手機app已經ready,申請完大家都可以安心去英國~⁣

🔎注:⁣
一)成功download app後,記得開啟NFC功能,以方便讀取證件。⁣
二)BNO Visa批出後,可以使用任何護照入境英國,不必要使用申請時的護照⁣
三)2019 年夏天前發出的特區護照晶片或未能成功讀取⁣
四)一般4-6星期批出結果⁣
五)使用手機app成功掃瞄護照晶片者,沒有指定入境英國日期。⁣
六)若申請人未能成功使用手機程式掃瞄護照晶片,則需要預約親自到簽證中心提供指紋及完成手續。申請成功後,需在貼上簽證貼紙後的90日內到達英國,更改入境日期需額外支付費用。⁣


【網上填表:申請BNO VISA】
https://www.gov.uk/british-national-overseas-bno-visa

【下載UK Immigration: ID Check】
Android: https://play.google.com/store/apps/details?id=uk.gov.HomeOffice.ho2
IOS: https://apps.apple.com/us/app/uk-immigration-id-check/id1499891460

=================================
🇬🇧立即下載LION ROCK HILL:英國生活文化總指南app
好去處.餐廳.商店.服務.汽車.工作.房屋.法律
會計.運輸.教育.裝修.設計.移民.生意買賣

Android version app:
https://play.google.com/store/apps/details?id=com.lionrockhill

IOS version app:
https://apps.apple.com/hk/app/lion-rock-hill-uk/id1549125796?l=en

【重要消息公佈】

經過半年的努力Lionrockhill UK官方App經已在Android和IOS平台成功上架

App內有大量英國生活文化實用資訊而且內有英國的台港品牌,
實用分類方便大家尋找英國合適資訊。

【品牌、餐龐、服務、商戶、工作、好去處等】已經開始登陸,未來內容會更加豐富。

Android version app:
https://play.google.com/store/apps/details

IOS version app:
https://apps.apple.com/…/lion-rock-hill-uk/id1549125796

【BNO VISA點申請架?!詳情出爐!】⁣

英國政府終於公佈咗申請BNO VISA 5+1既詳情。⁣係呢度整合左少少我地詳細睇左既重點!
(如有錯漏請提點!)

一切所需要資料都係官網公佈左例如所需要資金,文件等等都有清晰指示。⁣

不過意外既係英國政府除左接受網上申請外,亦提供左近年英國政府經常使用的手機應用程式APP,比大家作為另一個申請既方法。⁣

-永久住址證明(最多三項)

1)租約或貸款記錄

2)水電煤單據

3)簽證/居留許可或其他移民文件

4)糧單

5)僱主確認你工作的信件

6)你受撫養人需要提供證據,以及證明其永久住所地址與你的相同

-結核病檢驗證書

1)如從香港申請簽證,必須提交六個月內有效期的證書。

2)如從英國境內申請簽證而曾在入境時已出示TB TEST證書,則不需要再次出示,反則需提供認可診所發出的證書

-家庭關係證明

1)結婚證書或伴侶證書的副本

2)孩子的出生證明或領養證明

3)證明其永久住所地址與你的相同

-足夠生活開支證明

1)銀行或儲蓄戶口月結單

2)糧單

3)自僱收入證明

4)出租收入證明

5)確認朋友或家人支持你生活開支的信件及證據

6)確認朋友或家人提供住宿的信件

7)租約或貸款合約

*你必須提供非英文文件的翻譯本,翻譯人員須於你的文件上確認資料是真實無誤*並附有翻譯日期及翻譯員簽名。⁣

申請流程

網上填表

由1月31日起接受申請

1)填妥表格+付IHS費用+上載文件

2)網上填表期間,會需要預約到北角或鰂魚涌簽證中心

3)到簽證中心提供指模及拍照(注: 可能會保留你的護照和文件)

4)簽證申請結果於12周內以電郵或郵件公佈

5)必須於申請結果出爐後90天內入境

6)準備出發!

手機APP

適用於BNO護照持有人及香港特區護照或歐洲經濟區的合資格申請人

1)2月23日用APP申請(屆時掃描其護照,臉部,以及讀取護照中的芯片辦理手續)

2)毋須親臨簽證申請中心

3)簽證申請結果於12周內公佈

4)申請結果出爐後

並無限制指定日數內入境

5)準備出發!

🔎常見問題:⁣
(一)仲有冇得用LOTR入境?⁣
二月二十三之前仲可以。⁣

(二)有冇限出發日期?⁣
如果用網上填表,申請結果出左90日內要入境。如用手機app就冇指定。⁣

(三)點樣用家庭單位作網上申請?⁣
如果合資格,主要BNO申請人應獨立先提交申請表,係申請期間要報上同你一齊申請既屋企人資料,之後你會獲得一個參考編號(unique reference number)。一齊申請既屋企人要係同一日網上申請,到時用返主申請人既參考編號再比錢就得。⁣

(四)會唔會收左我passport?⁣
官網寫,如果網上申請「有機會」係visa center收左passport,而手機app申請就冇提及。⁣

(五)要等幾耐先有結果?⁣
官網寫12個禮拜內。⁣


跟據官方網頁以下是是次申請BNO VISA 5+1的流程圖: ⁣
Source: https://www.gov.uk/british-national-overseas-bno-visa
簽證中心收費詳情:https://www.vfsglobal.co.uk/visa/static

【1p 2p點分呀?】⁣⁣⁣

有無人過左黎英國一排,都唔係好認得英國硬幣呢?加上covid大家用cash嘅機會愈來愈少。⁣⁣但住得英國都要對英國硬幣有一定認識。⁣⁣⁣

對於香港人黎講英國硬幣與香港硬幣系統其實非常接近。⁣⁣只不過係2鎊對應唔番,仲係唔熟嘅可以留意下張圖:⁣

(由左至右)
1 Penny(£0.01) → 1毫⁣
2 Pence(£0.02) → 2毫⁣
5 Pence(£0.05) → 5毛⁣
10 Pence(£0.1) → 1蚊⁣
20 Pence (£0.2)→ 2蚊⁣
50 Pence (£0.5→ 5蚊⁣
1 Pound (£1)→ 10蚊⁣
2 Pounds → N/A

【英國冬天開車注意事項】⁣⁣⁣

有無試過一訓醒架車完全被雪覆蓋,唔好以為推開少少雪就出得車。一來會阻礙駕駛者視野,二來積雪有機會隨著車輛移動阻礙駕駛者視野。以下為rule 229⁣

跟據條例229⁣

出發之前⁣

您必須能夠看到,清除所有窗戶上的雪和冰⁣
您必須確保燈光清潔且車牌清晰可見且清晰易讀⁣
確保鏡子是乾淨的,窗戶是完全除霧的⁣
清除所有可能掉入其他道路使用者道路的雪⁣
檢查您計劃的路線是否有延誤,並且預計不會有進一步的降雪或惡劣天氣。⁣

不遵守以上規定可能會導致罰款60英鎊和您的駕駛執照三分。
Link:https://www.gov.uk/…/driving-in-adverse-weather…

【Contactless】⁣⁣

因為疫情關係,好多商鋪只收咭不收現金。⁣加速英國人使用contactless作為付款嘅其中一個方法。⁣相對香港contactless亦未十分流行通用,但係英國contactless作為小額交易嘅媒介似乎愈來愈普及。⁣⁣⁣
⁣⁣
咩係contactless?⁣⁣
⁣⁣
簡單黎講就係當你張銀行咭好似八達通咁用,直接係你銀行戶口過數。⁣通常limit由£30到£45不等。⁣只要將你嘅銀行咭有好似wifi咁既logo(通常新issue嘅咭都有contactless 功能)係商鋪嘅咭機上scan即可完成交易,對買家和商鋪都十分方便,減少了處理現金的風險及時間。⁣⁣⁣
⁣⁣
現時英國大部分商鋪都接受contactless付款,只有極少數商鋪只收現金。⁣如果只收現金的話,英國人隨時嫌棄怕麻煩直頭唔會幫襯。⁣⁣⁣
⁣⁣
若果你想係英國做零售生意,強烈建議整番部咭機。⁣各大銀行都有提供咭機服務,不過手續費比較高,版主就唔建議。⁣以下落黎介紹番英國好流行嘅卡機公司,大家可以參考下:

Square
One off payment: £19.00
Transaction fee: 1.75%
Link: https://squareup.com/gb/en

Sumup
One off payment: £29.00
Transaction fee: 1.69%
Link: https://sumup.co.uk/

iZettle
One off payment: £29.00
Transaction fee: 1.75%
Link: https://www.izettle.com/

【英國足球狂熱】⁣⁣

英國,男人,足球,英國,男人,足球,英國,男人,足球。呢三樣野好似不能分離⁣,但又隨時引發世界級口水大戰。大家有無諗過黎到英國,有機會都想現場感受一下大戰氣氛。唔洗再隔住個moon狗叫支持番自己心意嘅球隊。⁣⁣
⁣⁣
跟據骨枯級老球迷指出單單要買一張英超波飛,並唔係咁容易。要買到英超波飛多數要join 番該球隊membership(當然要交入會費啦)先至有資格去買波飛。⁣⁣
⁣⁣
Membership由£20-£35不等,要睇番邊間球會。⁣⁣
⁣⁣
若果你對英冠球隊情有獨鍾,恭喜你,大部分英冠球隊都唔洗入會都可買飛。⁣⁣
⁣⁣
波飛有分season ticket同單場ticket,season ticket唔係話你話買就買,由於太多人想買嘅原因,係要排入waiting list慢慢排。緣份到波飛自然到。只要去各大球隊官網就可以買到唔同場次嘅波飛。⁣⁣
⁣⁣
不過不過大戰要抽籤買,買左season ticket都唔係大哂。另外away ticket多數要season ticket holder或者經常睇主場嘅member先有機會買到。⁣⁣
⁣⁣
如果你對大賽無興趣,反而鍾情睇啲濕狗杯仔,買飛應該不成問題。甚至歐聯歐霸都唔難買得到。事關周中開波,入場率唔高。⁣⁣
⁣⁣
⁣⁣
喂喂,如果獅子山搞個睇波團你地支唔支持先?留言話俾我地知。⁣⁣
⁣⁣
英國睇波小知識:⁣⁣
⁣⁣
1)不能帶酒精飲品到看台,但可以飲完先上看台(包廂另計)⁣⁣
2)入場睇波盡量減少攜帶個人物品,水樽都唔俾帶入場內⁣⁣
3)雖然作客&主場球迷分開坐,但請保持克制。因為英國球迷有啲都好激⁣
4)冬天著多件衫,室外溫度低,凍你個幾鐘都幾係野

【英國postcode系統】⁣

相信從來未黎過英國嘅朋友應該對postcode系統都相當陌生,其實postcode係一個好方便簡單嘅系統去識別地址,另外postcode亦可應用係唔同地方。⁣今次就為大家講下英國postcode。⁣⁣

POSTCODE系統⁣

英國地方實在太大,街名成日都有會重覆地使用。⁣除左香港有Gloucester road外,每個英國城市都可能會重覆地使用Gloucester road/street呢條街名。⁣係呢個情況下postcode就發揮到佢嘅作用:⁣

所有的英國postcode都係獨特唔會重覆,亦可分成四個部份:⁣
郵域(Postal Area):最前的一或二個英文字⁣
郵區(Postal District):接下來到空白的一或二個數字及可能有的一個英文字⁣
郵政部門(Postal Sector):空白後的一個數字⁣
遞送點(Delivery Point):最後的二個英文字⁣

以Manchester Piccadilly station 為例其postcode為:M60 7RA⁣
M是郵域(Postal Area)⁣
60是郵區(Postal District)⁣
7是郵政部門(Postal Sector)⁣
RA是遞送點(Delivery Point)⁣

其實大家並無需要死記個系統係點,但最主要要知道M60係代表緊Manchester某一個地區就可以。⁣除倫敦外最開動頭的一或二個英文字係代表緊唔同城市,而倫敦大概以東(E),南(S),西(W),北(N)去分。⁣
詳細可參考以下link: https://www.london.gov.uk/…/gla_postcode_map_a3_map1.pdf

Postcode應用範圍十分廣,由郵寄服務,汽車導航,google map上尋找地址都可應用得到。⁣比起一抽又長又唚嘅英文地址,用一個簡單嘅postcode組合表達實在方便不過。⁣⁣

歡迎大家留言,如果我有咩漏左。⁣⁣

【英倫生活篇】-⁣⁣ 垃圾處理大不同

英國大部份地方收垃圾係每星期收一次,唔似香港咁日日都有人幫你處理家居垃圾,咁幸福。⁣不過英國地方夠大就算要等一個星期都有空間等到收垃圾果日。⁣⁣

-垃圾收集時間⁣

每區每個地方收集垃圾時間都唔同,千其唔好miss左,因為住house啲垃圾無掉到就要再等到下一個星期先有人處理。⁣⁣

如果各下住flat/ apartment,就無呢個問題。⁣一般都有垃圾房俾你放垃圾。⁣但只限家居垃圾廚餘,食物包裝等等。⁣千奇唔好成張床褥或者成部洗衣機掉入垃圾房,因為唔會有人幫你處理到咁大型嘅垃圾。⁣仲會隨時連累整個屋苑被人罰錢。⁣⁣

想知邊日收垃圾就要去下面條link check下:⁣
Link: https://www.gov.uk/rubbish-collection-day


-做好垃圾分類⁣

每個地方council垃圾分都有少少唔同,大概以以下幾種分類:⁣

廚餘⁣

紙-垃圾郵件,辦公紙,報紙,雜誌,電話簿,平裝書⁣

紙板-棕色卡片,光面印刷卡片,雞蛋盒,馬桶和廚房用紙捲的內管⁣

金屬罐-飲料罐,食品罐,寵物食品罐⁣

鋁質氣霧劑(應為空)-除臭劑,清潔產品,美髮產品⁣

箔紙-食品容器,帶走托盤,軟箔紙(應清潔並捲起)⁣

塑料-除黑色和棕色外,所有類型1(PET),2(HDPE),4(LDPE)和5(PP)的塑料⁣

其他塑料,包括袋子,塑料食品容器,飲料瓶,透明塑料牛奶容器,紙盒,人造黃油桶和酸奶罐⁣


Link: https://www.gov.uk/recycling-collections


-綠色廢物⁣

唔好以為你剪完嘅草可以當垃圾咁掉,好多council會要你額外俾錢拎多個垃圾桶去處理綠色廢物。⁣無適當處理綠色廢物有機會會被罰款架!⁣


Link: https://www.gov.uk/garden-waste-disposal


-電器傢俬⁣

處理唔要大型傢俬及電器,有些地方council提供收費處理服務詳情要睇番你住邊區。⁣有些地方council會有個大型垃圾站俾市民自行帶件去掉。⁣當然每個council都唔同,呢part你就要自行research下。⁣


歡迎大家留言,如果我有咩漏左。⁣
⁣⁣

【英國council做乜?】⁣⁣

早幾日新聞報倫敦內的Croydon council面臨破產,不過好多香港人好似都唔清楚council職能其實係做咩,點解要每個月都要交council tax。⁣今次就輕輕講下究竟你交左嘅錢去左邊!⁣⁣
⁣⁣
由於英國地方咁大,英國政府將唔同地區斬開分配俾各地council管理。⁣Council職能有少少似香港以前市政局,由一個小型“政府”去處理當地一切民生社會問題。⁣一般生活遇到嘅問題都會係你所住嘅地區council解決到。⁣⁣⁣
⁣⁣
以London Islington council為例: ⁣⁣
⁣⁣
由交違例泊車罰款,申請parking permit,交council tax,垃圾處理,處理各樣投訴,馬路資訊,屋企加建或者改建,到幫小朋友搵學校以至結婚呢啲人生大事都係搵council幫你處理。⁣每個council提供嘅服務都會有小小出入,但大致上都一樣。⁣詳情睇番自己所住嘅council website。⁣⁣⁣
⁣⁣
所以你所交嘅council tax係去左呢度,好似一個社區嘅管理費一樣,當地政府用佢收番黎嘅資源去做好民生服務,提供一個更好嘅社區俾居住係該區市民。⁣⁣⁣

歡迎大家留言,如果我有咩漏左(帶返個頭盔先)⁣。⁣
⁣⁣
輸入你所住嘅postcode搵番你所屬嘅council。

⁣⁣
Link: https://www.gov.uk/find-local-council

【英國本土版:麥記/KFC/哈根達c】⁣

如果我同你講,黎到英國之後,有時落樓下食唔到麥記扭扭粉我會灰J,你會唔會覺得我好唔爭氣?⁣

但係去到英國超市,長期買到特價£2.5 有家庭版haagen dazs,個心理又平衡返好多。⁣


🍟麥當當⁣
作為快餐首選之一嘅M記係英國餐牌選擇其實唔多,亦無香港金拱門咁多其間限定。⁣⁣不過基本野大致相同。⁣⁣⁣

首先英國M記無脆香雞翼食,唔知係咪KFC做得太好,英國M記選擇直頭放棄唔做。但有炸雞胸(chicken selects)?我都唔係好識譯。⁣

早餐方面,英國無好香港人口味嘅扭扭粉早餐。⁣
甜品方面⁣⁣,英國人咁鍾意食雪糕竟然係無Sundae。⁣

當然M記招牌菜Big Mac,Chicken nuggets,Apple pie,Cheese burger,麥旋風,魚柳bell chan依然通通都有。⁣⁣⁣

但唔會定時推出香港人口味嘅產品,例如最新推出嘅黑糖珍珠奶茶同我好鍾意嘅shake shake薯條。⁣⁣相反英國M記會出好英國人口味嘅milkshake。⁣⁣⁣

大部分餐價介於£4.49至£5.99之間,聽落好似好貴,但以英國最底時薪工資為£8.72(age over 25)去計,買到一個餐有凸。⁣⁣係香港唔食超值套餐的話,有機會要貼錢先食到個餐。⁣⁣⁣

味道方面,有人話日本麥當奴最好食,但係英國我個人覺得無咩大分別。⁣⁣所以只要大家唔好有任何寄望,就唔會有失望。⁣⁣⁣

🍗KFC 特別在係呢邊好興vegan,出左好多有蔬菜既選擇,而且有halal雞。⁣

🍦Haagen dazs 簡直係英國生活既重點(只代表本台立場),香港一桶要80幾蚊,呢邊長期減價£2.5 有一桶。⁣

有冇人知呢邊pizza hut有冇蒜香肉絲意粉?⁣

【Lockdown購物-英國refund policy】⁣

Lockdown變相加速左零售實體店嘅衰亡,其實英國online shopping系統好成熟。基本上有錢咩都上網買得到,最快next day delivery就送到上門口。不過有時因為太方便而買錯野,呢個時候你就可能需要考慮refund。⁣

英國的refund policy是完完全全保障消費者嘅權益,所以未來想到英國做生意嘅朋友真係要研究清楚這個相對香港成熟的refund policy。⁣
根據gov.uk提供的資訊;⁣

只要在購買後14日內,客戶有權要求賣家於14日內退錢並不需要提供任何理由。所以就算呢一刻賣出左都唔代表個deal done。至少要等多14日,你筆錢先真正落你袋,因為你有機會要嘔番舊錢出黎。⁣

但當然有某一D情況係無得refund啦!當以下商品出現問題時才可以refund。⁣

-個性化物品和定制物品,例如窗簾⁣
-易腐物品,例如冷凍食品或鮮花⁣
-報紙和雜誌⁣
-未包裝的CD,DVD和計算機軟件⁣
-在線,郵件和電話訂單銷售⁣
-在線,郵件和電話訂購的客戶有權在有限的時間內取消訂單,即使貨物沒有問題。這種銷售稱為“遠程銷售”。⁣
另外,若果買家收到件壞貨,買家有權唔接受維修或更換而選擇退錢。⁣

無論如何,都要提醒大家買野之前諗清楚,避免不必要浪費。

Link: https://www.gov.uk/accepting-returns-and-giving-refunds

【Polesden Lacey-英國靚境National Trust】⁣

近日榮登成為我哋最愛嘅National Trust景點之一,位於Surrey (倫敦西南處)嘅呢個莊園,一年四季都睇到無敵景色,特別推介秋色滿滿或者夏天玫瑰盛開嘅時候去遊走。⁣

🦁小小歷史⁣
呢間大屋嘅最後一個主人Margaret Greville出生於有錢家庭,係1907年購入Polesden Lacey作為度假別墅。當年仲聘用咗為Ritz Hotel設計翻新嘅建築師為呢間別墅重新裝修。⁣

🦁有咩睇?⁣
圍繞住Polesden Lacey嘅連綿山丘係我哋今個秋季見過⁣
最醉心嘅景色!喺呢度可以坐喺一片大草原上慢慢欣賞畫上咗金黃色嘅各種樹木,National Trust 設計咗由1mile 至4miles不同長度嘅行山路線,可以睇盡Ranmore Common內農場、森林或者坐落山丘嘅小屋景色。⁣

Polesden Lacey旁邊嘅英式花園種咗各種嘅攀爬玫瑰,大宅嘅perenial border都打理得好細緻,而攀爬喺門牆上嘅berries植物亦都為大宅填上咗秋色。⁣

小朋友係呢度跑跑跳跳執下秋葉都好開心,森林裡面有好多唔同品種嘅鳥類同松鼠睇,有時行行下又會見到磨(毒?)菇。⁣

National Trust 都有開設一間cafe 仔,不過都係賣吓咖啡茶三文治甜點果幾味。⁣

🦁實用資訊⁣
大人£10,細路£5,有National Trust 會員免費,倫敦市中心揸車去大約1個鐘,有parking。⁣

🦁睇返我哋之前National Trust 介紹:⁣
https://www.facebook.com/lionrockhill.uk/posts/130661858678441

【英倫火車Railcard種類】⁣⁣

英國火車飛老老竇竇唔預早book定的話,票價由其是peak time都幾貴。⁣⁣⁣一家四口一齊搭隨時要洗過百英鎊。⁣⁣⁣無車牌或者無車嘅朋友仔都幾頭痛,始終英國交通費唔算話好平。⁣⁣⁣⁣⁣
⁣⁣
以下有8款railcard,只要符合特定資格,再申請俾埋年費就可享有特定折扣。⁣⁣⁣好適合經常要搭火車嘅朋友,因為搭兩程長程個年費已經抵返哂。⁣⁣⁣⁣⁣
⁣⁣
-16 -25 Railcard⁣⁣

16-25歲或全日制學生的火車票價33% off⁣⁣
費用:一年30英鎊,三年70英鎊⁣⁣
⁣⁣
-26-30 Railcard⁣⁣

26-30歲之間的乘客鐵路票價33% off⁣⁣
費用:一年30英鎊⁣⁣
⁣⁣
-Family and Friends Railcard⁣⁣

成人票價33% off⁣⁣
兒童票價60% off(5-15歲)⁣⁣
適用於最多四個成年人帶四個孩子的旅行⁣⁣
費用:一年30英鎊,三年70英鎊⁣⁣
⁣⁣
-Two Together Railcard⁣⁣

兩名同行的成人同行的成人票價33% off⁣⁣
費用:一年30英鎊⁣⁣
⁣⁣
-Senior Railcard⁣⁣

60歲或以上人士的成人鐵路票價33% off⁣⁣
費用:一年30英鎊,三年70英鎊⁣⁣
⁣⁣
-Disabled Persons Railcard⁣⁣

Railcard持有人和朋友的票價33% off⁣⁣
檢查網站以查看您是否符合條件⁣⁣
費用:一年20英鎊,三年54英鎊⁣⁣
⁣⁣
-Network Railcard (適用於16歲或以上在東南部旅行的人。)⁣⁣

成人票價33% off,倫敦和英格蘭東南部60% off⁣⁣
費用:一年30英鎊⁣⁣
⁣⁣
-16-17 Saver⁣⁣

成人鐵路票價50% off⁣⁣
費用:一年30英鎊⁣⁣
⁣⁣
溫馨提示:使用Railcard所購買嘅火車票,當有職員查飛你需要一併出示railcard否則會被收番正價。⁣⁣⁣⁣⁣
申請railcard Link: https://www.railcard.co.uk/

【英倫家電】⁣

英國家電實體鋪選擇唔多,如果各下要親身睇過,摸過實物先會決定到買唔買的話,選擇會更加少。⁣⁣⁣

一般家電的話,可以睇可以摸得到實物嘅連鎖家電鋪,以我所知得兩間:⁣

-Currys⁣
-John Lewis⁣

前者Currys似香港百老匯,豐澤,蘇寧呢類型家電鋪。⁣⁣會有職員介紹番D產品安排送貨等等。⁣⁣⁣

後者John Lewis似Sogo,大型百貨公司,衫褲鞋襪家品電器一應俱全。⁣⁣⁣

順帶一提Tesco,Sainsbury,Asda呢類超市係superstore會有少量家電,但牌子種類都無咁齊。⁣⁣⁣

另外介紹返Argos俾大家,呢間鋪頭你入到去除左幾部電視用黎賣廣告之外,基本上鋪面⁣
就無咩野好睇。⁣⁣你入到去會睇到一本一本嘅家電/日常產品嘅目錄,或者電子目錄去搵返你想買嘅產品。⁣⁣直到俾錢之前,你都唔會有機會睇到實物。⁣⁣因為呢間野要你俾左錢之後先會係貨倉搵件貨俾你。⁣⁣⁣

當然廿一世紀網上有好多選擇Amazon,Ebay,Ao等等都係發展得好成熟嘅網上平台,如果想安坐家中等送貨上門,呢類網上平台就岩哂你。⁣⁣⁣

以上都係個人經驗,留言話我知英國仲有邊間我講漏左。⁣⁣

【獅子weekend出遊-沙漠feel英國東南部Dungeness】

我地兩個係一有時間就係英國周圍走既人,反而倫敦市中心仲少去。但係其實英國真係有好多好多有特色又舒服既地方,都希望share返比大家。
🚗交通
由倫敦開車落去或者搭火車+巴士落去都係大約2個鐘15分鐘至2個半鐘。
火車:由倫敦Kingscross St Pancras station到Ashford International Station
巴士:駁11號搭1個鐘落去
🌝有乜特別
就咁比Dungeness既相人睇,佢未必會認得出係英國。Dungeness既生態同其他大部分英國地區好唔同,呢度有英國沙漠之稱,由礫灘組成。
🛶有乜睇
呢度比較多人提及既係lighthouse 、核電廠同埋Dungeness Nature Reserve,呢度有多於600種植物品種同埋多種鳥類。同時係礫灘上可以見到荒廢左既船隻同埋浮木等等既失落痕跡,雖然有一種詭異既味道,但都幾cool的。
🍤有乜好食
呢度有一間family run既Fish shack,係離海不遠擺既貨櫃美食攤。次次去親都一大條隊,佢地有新鮮既lobster roll~ Crab taco, Fish taco等等,係太陽下食都幾爽架。
🐚有乜做
我地兩個行左去海邊坐,果度有勁多好靚既seashell可以執,同埋隨手拎起既石頭每一粒都好特別好靚。但係唔知點解人執石頭我執石頭…我執到(1)一粒成隻斷手指既樣既石頭 (2)一粒好似賊咁既樣既石。

【獅子周末膠遊-英式鄉村最佳體驗地Cotswolds】⁣

傳說中…英國有呢個地方,每一次想影風景相都一定會影到遊客。⁣
想睇純風景呀?諗下好啦! ⁣

位於倫敦西北部嘅Cotswolds有著不少既中世紀建築,有英國最優美鄉村地區之稱。⁣

🌳點樣去?⁣
離倫敦大約兩小時車程,非常建議大家揸車去玩,因為就算有火車由倫敦去到呢區,當地係非常少巴士。⁣

🌳推介既小鎮⁣
-Bibury (最出名既Ablington Row)⁣
-Broadway (附近有Broadway Tower)⁣
-Chipping Campden⁣
-Chipping Norton⁣
-Upper Slaughter⁣
-Lower Slaughter (果度有間河畔旁既PUB 睇落好唔錯)⁣
-Stow-on-wods⁣
-Bourton-on-the-water⁣
-Great Tew⁣

🌳推介活動⁣
去DAYLESFORD FARM SHOP去行lifestyle shop,有好高質既家品skincare玩具等等。果度都有好靚好舒服既outdoor area可以食個lunch,仲可以買下新鮮organic farm produce。亦都有一間花店賣下園藝用品,仲有spa tim!⁣
除此之外亦可以去下小村附近既public pathway到處explore下。

🌳去搵間pub食個sunday roast,推介既pub/ hotel有:⁣
-The Wild Rabbit @ Kingham⁣
-The Kingham Plough @Kingham⁣
-The Slaughter Country Inn @ Lower Slaughter⁣
-The Ebrington Arms @ Ebrington⁣
-Soho Farmhouse @Chipping Norton⁣

🌳推介去以下花園/house/ national trust行下⁣
-Chastleton House⁣
-Kiftsgate Court Gardens⁣
-Hidcote Manor Gardens⁣
-Barnsley House⁣


🌳要幾多日?⁣
建議起碼留上一晚去好好體驗鄉村腳步慢落黎既節奏,呢度有好多散落既小村,每一度都有自己既特色。三日兩夜會係最好既安排。⁣

【英國Peak district-觀賞秋葉既十月短旅行】

其實識玩既話,英國國內都有好多地方玩。
我地最鐘意挑戰人體極限,一有時間就瘋狂由倫敦飛車,忍住唔去廁所直踩幾個鐘,上山下海搵野玩。
最近英國既秋葉靚到一個極點,特登同公司請一日假自製long weekend去呢個離倫敦三個小時車程既peak district住3日2夜。
Peak District (又稱峰區,我諗係台灣人譯法?)係位於英國中部Derbyshire,Sheffield 旁邊。係一個充滿山丘同埋大草原等大自然景觀
既好地方。
⛺️住宿:
一間可以話係無人地帶既Glamping(Glamorous Camping)
小木屋,詳文介紹可見:
🏡可愛小鎮
(1) Castleton-最近最出面既山景景點,行完山累落黎食個tea補給下
(2) Bakewell -應該係peak district最出名小鎮,叫得Bake-Well都知係烘焙出名,佢既Bakewell pudding最出名。
(3) Longor-附近山景好靚
⛰行山點推介
(1) Parkhouse Hill
(2) Chrome Hill
(3) Monsal Trail -由上面carpark望落去下面,可以見到好似哈利波波入面果個火車軌橋既風景
(4) Hope Valley
(5) Cave Dale
(6) National Trust – Dark Peak
(7) Derwent Edge
(8) Curbar Edge-傲慢與偏見電影入面取景地
🔎景點
(1) Tagg Lane Dairy呢個牛牛牧場有新鮮雪糕、鮮蛋同雞蛋賣,ice cream味道好有heart,好正!
(2) Chatsworth House-傲慢與偏見電影入面取景地,亦都係英國數一數二英式大宅,每逢聖誕節都會有好classic既decor。花園同埋附近既大草原景色非常出色,睇秋葉一流。
(3) Winnats Pass-第一次渣車經過係比佢震懾左,係一個勁deep V既陝谷,當你身處中間,比兩邊綠山夾住,即刻覺得大自然好偉大,成個peak district最鐘意既景點真心!
https://www.nationaltrust.org.uk/…/features/winnats-pass
(4) Speedwell Cavern-可以搭船參觀呢個洞穴,幾得意。
(5) Treak Cliff Cavern
B29 Overexposed Crash Site-二戰RAF飛機墮落點
(6) Mermaid’s Pool
(7) Kinder Downfall
(8) National Trust – Lyme
🍔野食
(1) The Manners@Bakewell -有誠意pub,pork belly超好吃好脆皮
(2) Bulls Head Pub @ Castleton-有誠意pub,classic beef burger正
(3) The Old Original Bakewell Pudding Shop-出名佢既杏仁果醬撻

lionrockhill英倫好去處

【一個男女老幼帶綠帽嘅節日-St Patrick’s Day】⁣

每年嘅3月17號,無論係英國定美國都會有好多人盛裝打扮到成身綠色去“慶祝” St Patrick’s Day!
所謂綠帽唔怕帶最緊要除得快,但一眾英,美,愛爾蘭人都會帶實頂綠帽又或者著到成身綠色去“慶祝” 狂隊啤酒。
相信當中佢地都唔知自己“慶祝” 緊啲咩^_^, 就好似香港慶祝中秋節一樣大家只記得去食蠟燭玩月餅…

又到拋書包嘅時間,究竟因咩事咁重要要慶祝呢?

話說早於公元432年,Saint Patrick被遣派到愛爾蘭傳天主教,當時佢不被愛爾蘭群眾歡迎,而且俾人用亂石掉。
於是Saint Patrick一個轉身射個三分波,唔係佢一個轉身拎左有三磈葉嘅苜蓿向非天主教嘅愛爾蘭民眾解釋聖父、聖子、聖靈 (三位一體)嘅關係同教義。被受感動嘅愛爾蘭群眾亦因此接受咗Saint Patrick主持嘅受洗。愛爾蘭人為咗紀念Saint Patrick,所以係Saint Patrick嘅死忌(公元461年3月17日)定為Saint Patrick’s Day。
但去到今時今日,你出去問Saint Patrick’s Day究竟係慶祝咩呢?相信無咩人答到你。不過因為愛爾蘭人流散到世界各地嘅關係Saint Patrick’s Day都被帶到去世界各地,而三葉苜蓿都成為呢個節日嘅重要標誌。

介紹番英國人會慶祝嘅節日

帶左綠帽都要知發生緊咩事

【英國傳統節日Bonfire Night】⁣

如果大家住係英國,就唔難發現每年10月尾11月頭左右都可以係超級市場買到煙花自己放。仲要係飛上天爆到七彩果種,當然你亦都買到香港人係酒店好鍾意玩嘅仙女棒啦!同好多節日一樣都無咩英國人知點解會有Bonfire Night呢個節日出現。⁣

拋書包時間又到啦!原來係1605年11月5號Guy Fawkes與其同黨想謀殺當時在位嘅蘇格蘭國王James VI同埋班已完,所以係國會埋下火藥,但最終俾人識破左。而Guy Fawkes與其同黨一律被處死,而保住命仔嘅蘇格蘭國王就將11月5號定為Bonfire Night。自此英國人會搭營火去燒佢地唔鍾意嘅假人,有少少似香港打小人。⁣

直到今時今日燒假人呢個傳統已經愈來愈少,而逐漸轉變成放煙花嘅節日。每年係唔同城市council都會搵個公園或者地整個巨型營火去燒,之後放煙花。⁣

唔知大家心目中有無想燒邊個假人呢?不如等大家安定好搞返團放煙花!

【英國玩法:Glamping=豪華露營⛺】⁣⁣

黎左英國先知#Glamping(Glamorous Camping)係乜!⁣⁣

即係都係去郊外地方(連3g都收唔到果d),但係有水有電有舒服床辱有wifi,唔係小學童軍去果隻。試過一次之後上左癮,係airbnb既另類選擇。⁣⁣

上個禮拜去peak district秋季旅行,租左一間係Quarry Walk 入面既二人Bluebell glamping pod住。呢間#小木屋 麻雀雖小,入面有哂電磁爐雪櫃微波爐多士爐,又有shower同埋好細部既電視。而且好靚好cozy,滿足到想去郊區體驗另類既住宿同埋野外生活,但又唔想訓帳蓬比蚊咬既人。⁣⁣

而且呢個glamping site亦都有一個營火firepit,個爐好大可以夠8個人#燒野食,我地去果日仲有好好既鬼佬family請我地食#綿花糖。⁣⁣

我地兩個鐘意係附近d farmshop買新鮮牛奶,再係小木屋整#熱朱古力 飲,係黑夜之下#睇星星 。係咪好識嘆先LOL⁣⁣

一晚大概80磅左右,而家每次我地上親peak district玩都會以呢度做基地。佢呢度亦有適合4-8個人既pods,如果同一班fd去#staycation 都唔錯。當然唔好搞到好似d香港酒店災難式staycation咁失禮啦:)⁣
⁣⁣
呢度仲有一d大型同埋貴d既住宿option,仲有d係有埋按摩池,我地兩個平民當然只係揀左最平既option,但係已經好唔錯!⁣⁣

你地又有冇其他glamping site或者類似既地方推介?
https://quarrywalkpark.co.uk/

#跟住獅子山玩英國

#實無死

#係呀講到玩最叻

#跟埋我地食仲得了

【英國轉冬令時間】

香港人,記得較鐘呀!⁣⁣

住係香港嘅大家到冬夏令呢個概念一定非常陌生。但係英國因為夏天同冬天日照相差太大嘅關係,十月的最後一個星期日會由02:00較到01:00,而三月的最後一個星期日則由01:00較到02:00。咁意味著住係英國嘅各位聽日多左個鐘訓覺,不過所謂有借有還,三月最後一個星期日就會還返一個鐘出黎,大家一齊訓少一個鐘。⁣

有趣分享:以前較鐘前一日每個英國人都會提醒身邊嘅人較鐘,以防有個傻仔睇錯鐘。不過到左今時今日smartphone會自動幫你較鐘,大家都無藉口遲到了。以下有少少較鐘小知識分享下:⁣

1.點解要較鐘?⁣

於夏令時間,英國享受16小時50分鐘的強烈陽光照射。但是,到冬令時間,這將減少到僅7小時40分鐘。較鐘有助於充分利用日光。⁣

2.邊個咁醒提出較鐘?⁣

呢個係William Willett嘅想法。William Willett係1907年提出“夏令時間”建議,佢認為在整個夏季(日照較長),同冬季(日照較短)時間一樣會浪費了重要的日光。當時佢認為應該係四月份將時鐘增加四分鐘,每組增加20分鐘,將時鐘提前80分鐘。然後,將在9月以相同的方式較返轉頭。⁣

3.鐘最早幾時開始較?⁣

時鐘係1916年先首次開始較。儘管William Willett係1907年提出了呢一建議,但英國直到1916年先採納呢個想法,而僅一個月德國就接受想法。當時的想法特別有吸引力,因為第一次世界大戰對德國造成了巨大損失,政府鼓勵任何可以提高生產率嘅措施。⁣

4.點解鐘於星期日較?⁣

由於歐盟指令,時鐘在星期天更改。夏令時始終保持在三月的最後一個星期日與十月的最後一個星期日之間,當夏令時間進入冬令時間時鐘會由02:00調較到01:00,當冬令時間進入夏令時間時鐘會由01:00調較到02:00。

【英國外賣店不死傳說】⁣

曾經有人話,只要有人既地方就有Chinese takeaway。英國都唔例外。上一代移居英國嘅香港人好多都係靠做外賣店養起成頭家。英國以前更有個傳說;英國外賣店係一行只要有手有腳就可以賺錢嘅生意。究竟今時今日呢一行仲有無生存空間?定係外賣店會係一行逆市中搵到錢嘅生意?

英國人鍾意叫外賣嘅程度可以話係上左癮。每一個town都僅會有幾間takeaway坐鎮,好肯定咁話你知其中一間一定係Chinese之後會有pizza,炸魚薯條同埋炸雞,另外印度餐出現率都唔低。網上叫外賣平台大致有3個Just Eat,Deliveroo,Uber Eat。係Deliveroo、Uber Eat呢種主要為餐廳送餐嘅公司出現之前以上菜式都係英國外賣店嘅主流。不過佢地嘅出現改變左外賣文化,作為文化共融嘅國家,基本上而家咩餐都有得叫;有得食。⁣

今次主要講下Chinese takeaway大部份係做咩菜式。傳統四大菜魯菜、川菜、粵菜、蘇菜?NO,NO,NO,少年你太年輕了。英國中式外賣店大部份嘅都係叫 “什水菜”。咩係什水?其實什水係因應西方人口味要改成嘅菜式。其中主要菜碼係芽菜、甘筍片、竹筍、馬蹄、洋蔥等等,當然各施各法,當中都有唔少變化啦。但唔好寄望可以食得返香港嘅味道……⁣

跟據行內可靠消息透露,Chinese takeawa最賣得嘅菜式係…sweet & sour chicken/ pork,甜酸雞/豬,係英國行內中文叫 “古老雞/豬”。另外值得一提嘅係西方人食中餐,好多時都會預期個餐要有汁,佢地唔鍾意乾淨淨咁食,要撈汁食飯。仲有仲有,係個menu度有時你會發現你重未食過嘅菜式。例如炒Chop suey(什水),Chicken balls、Chicken & Noodle Soup等等。⁣

你地仲食過D咩奇怪中餐呢?留言話俾我地知,等我地呢班劣食獵人去挑下機。

【英國商用牌照】⁣

今日同居英港人Shawn開左個LIVE分享伙下英國經營外賣店嘅心得。⁣發現原來有好多人對商業牌照都好唔了解。⁣究竟做咩生意需要咩牌照呢?以下係主要嘅牌照,當然仲有其他啦!包括酒店等等今次就無列出黎。⁣⁣

想睇番個LIVE就要去返我地個youtube channel或者去以下條LINK重溫(記得subcrible 我地個channel呀!⁣!⁣!⁣):⁣

另外要credit番幫我地整左2張咁靚嘅圖嘅義務設計by 居英港人 @Unaatti,早幾日佢就聯絡我地問有無野可以幫手,佢就好快手地完全左呢2張圖俾我地。⁣多謝你呀@Unaatti!⁣

【英倫買二手車】⁣🚗

英國咁大,下下等巴士同火車都唔係路,而且交通費都唔係話平。有英國車牌嘅你一定要好好考慮買架車代步。買車之前要考慮下你budget同實際需要。⁣

由於英國位於歐洲,你唔難發現英國汽車市場並唔係由日本車主導,係各地車廠嘅車都有,而且都幾平均TIM。又由於英國買車無香港抽稅咁嚴重,歐洲車價錢相比香港價錢平一大截,零件又齊。不過都明白日本車亦有其獨特嘅魅力,另外英國都不乏日本汽車零件。最後都係睇你個人喜好!⁣

英國二手汽車市場主要分為dealership同private兩種:⁣

Dealership: 直接同車廠或者二手車dealer買二手車⁣

例子:各大車廠,Car giant,JCT600⁣🚘
注意:有一啲小型私人dealership要小心有鬼祟野⁣

優點:⁣
1)相對上有保證,大部份會提供 warranty⁣
2)大部份會有part-exchange (車換車)⁣
3)會提供car finance⁣
4)Clean vehicle history⁣

缺點:⁣
1)價錢相對上會比private貴⁣

Private: 私人賣家⁣🚙

優點:⁣
1)價錢相對上比dealership平⁣
2)有得講下價⁣

缺點:⁣
1)相對上會比private貴⁣
2)車文件有機會唔齊⁣
3)一旦易手,就好難追救⁣
4)若然賣家走左佬,你都幾難搵得番佢⁣

如果你對賣家無信心,建議去買個HPI report(Hire Purchase Investigation)睇下。從HPI report中,可以睇到呢架車有無大炒過,俾保險公司write off過,架車有無仲finance paymeny未完。⁣
Link: https://hpicheck.com/
其中Auto trader提供左一個網上平台俾大家接觸到dealership & private seller。你會見到有D車特別平,有可能因為架車有Cat。⁣

⛽️Cat有分Cat S/C/D/N:⁣

Cat S:該類別的汽車對其結構框架造成了持續的損壞,但可以維修並重新出售。 如果您打算購買S類汽車,請確保已由合格的機械師對其進行了檢查。⁣

Cat C:該類別的汽車由於洪水或火災而被註銷。 這些貓車可以修理,但由於零件,人工和額外服務的成本將大大超過車輛的價值,因此已被註銷。⁣

Cat D:是保險公司用來描述已註銷汽車的損壞程度。Cat D型汽車可能遭受了損壞,很可能是發生事故。 處理該索賠的保險公司決定,修理該車輛將比更換它付出更多的代價。⁣

Cat N:該類別的汽車可能在一次事故中遭受了一些損壞,但沒有損壞其結構框架或底盤。 處理該索賠的保險公司決定,修理該車輛將比更換它付出更多的代價。⁣


至於買車時需要注意車精唔精神,對上一次service係幾時,幾時MOT,4條tryes有無問題等等等等。今次唔多講,因為同香港買車大同小異。⁣

最後最後係揸走你架車前一定一定要記得買road tax & insurance同最重要嘅V5C 車紙。⁣

Road tax:一般黎講係按車排氣量收費,有一啲新款低排放嘅車會免road tax。⁣
免road tax vehicle可參考:https://www.carbuyer.co.uk/…/recommended/exempt-road-tax
買road tax:https://www.gov.uk/vehicle-tax
Insurance:車保險係按你揸車年資(有幾多年no claim bounus – 海外唔計),地址,車款,職業,家中有無小朋友等等去計。⁣

車保上網買就已經可以,記得keep番張certificate。⁣

Link: ⁣
http://www.confused.com
http://www.gocompare.com
http://www.comparemarket.com
Etc.
V5C車紙:如果透過dealership去買車,只需要俾你個地址佢,佢就會幫你處理。你只需安坐家中等DVLA寄一張屬於你嘅新V5C車紙。但如果你係私人交易呢,買家要keep part 6,其餘部份賣家要填好你嘅地址寄去DVLA,咁你就等DVLA出過張新嘅V5C俾你。⁣

喂打左咁耐,我又夠鐘出去遊車河啦!拜拜⁣


以上都係個人經驗,有咩漏左歡迎大家補充!⁣

【LOTR-22/09 最新update三代移民?】

⁣於9月22日,英國更新左LOTR有關已經入左英國境如何申請LORT同萬一VISA過期如何申請LORT延長留英資訊,但以上唔係重點,今次重點係補充18歲已成年或在97年7月1日後出生,(依然受父母供養)嘅子女同伴侶或配偶都可以一齊申請。⁣⁣⁣

簡單而言,只要合資格人仕其子女依然受父母供養,就算已成年(超過18歲),其子女的同伴侶或配偶甚至其所生嘅子女(孫)都合資格申請5+1。⁣

你需要出示其伴侶關係的證據,包括結婚證書或民事伴侶證書。⁣
如果他們沒有結婚,則需要證明他們已經以至少兩年的婚姻或民事伴侶關係生活在一起。⁣
如果他們有18歲以下的受撫養子女,則需要出示其父母,養父母或監護人的證據,例如:⁣

1)正式出生證明⁣
2)領養證書⁣
3)法院命令,例如特別監護權命令⁣

⁣Link: https://www.gov.uk/…/british-nationals-overseas-in-hong…

【Life in the UK Test -申請英國永居或入籍Life in the UK須知】

係你申請英國國籍或在英國定居時,你需要參加考試。⁣

你必須至少提前3天在網上預訂UK Test。費用為50英鎊。⁣

英國有30多個考試中心。你可以在報考時選擇考試地點。⁣

準備測試⁣
建議大家DOWNLOAD番個APP去溫書。同樣考之前不停操卷,要PASS問題應該不大。⁣

你將有45分鐘的時間回答24個有關英國傳統和習俗的問題。⁣

要答岩18題或以上先PASS。⁣

報名測試⁣
你需要滿足以下所有條件才能報名測試:⁣

1)Email address⁣
2)Debit or credit card⁣
3)ID⁣

可接受的ID⁣
你可以使用以下其中一項作為ID去報Life in the UK test:⁣

1)有效護照⁣
2)帶照片的有效旅行證件(你不能使用緊急旅行證件)⁣
3)Biometric residence permit⁣
4)Biometric residence card⁣

你在考試預約中提供的姓名必須與用於報考試的ID上的姓名完全一樣。⁣

如果你符合以下條件,則無需參加考試:⁣

1)未滿18歲⁣
2)65歲以上⁣
3)之前已經通過了-例如,如果你要申請成為公民,並且已經作為申請的一部分通過了⁣
4)患有長期的身體或精神狀況-你必須提供醫生確認你的身體或精神狀況的表格或信件⁣


Link: https://www.gov.uk/life-in-the-uk-test

【萬般帶得走: ToR1免稅搬家當到英國 申請方法!】⁣⁣

陸陸續續收到香港人以LOTR方法申請到埗英國,相信係1月後BNO 5+1方案,可以正式申請時,會有更多更多嘅香港人黎英國。不過好多家庭有萬般要帶走,一箱兩箱咁寄去英國。若果你無申請ToR1,英國海關有權對你嘅物品徵收VAT,一般是20%再另加handling fee。咁樣先至俾番你。如果唔想俾呢舊錢可以去申請ToR1。⁣⁣
⁣⁣
ToR1 (Transfer of Residence relief),簡單黎講就係搬家當嘅申請表。⁣⁣
⁣⁣
你必須在抵達英國後12個月內申請ToR1。⁣⁣
⁣⁣
以下係你透過申請ToR1嘅條
⁣⁣
你的個人物品和車輛入口英國時可以免VAT;⁣⁣
⁣⁣
只要⁣⁣符合以下條件

1)只係搬到英國⁣⁣
2)於非歐盟區住至少連續12個月⁣⁣
3)非歐盟區物品至少用了6個月⁣⁣
4)非以免稅途徑獲得嘅物品⁣⁣
5)向英國海關申報物品細明⁣⁣
6)是個人使用⁣⁣
7)於12個月內不會售賣,外借或者出租去英國/歐盟國家,除非你俾番VAT。⁣⁣
⁣⁣
個人物品定義:⁣⁣
⁣⁣
包括⁣⁣
⁣⁣
1)衣服⁣⁣
2)家俬⁣⁣
3)寵物⁣⁣
4)搵食工具⁣⁣
5)個人物件 (personal effects)⁣⁣
⁣⁣
*煙酒免問⁣⁣
⁣⁣
合資格物品只供個人使用,並不涉及任何外借,合作,幫忙,供公司或組織使用等等。⁣⁣
⁣⁣
車輛條件:⁣⁣
⁣⁣
1)未曾進口歐盟之車輛⁣⁣
2)進口英國後非從事商業活動⁣⁣

⁣你需要提供以下資料證明個人物件/車輛已使用6個月或以上⁣

1)購買發票,註明日期的送貨單,維修或保養賬單,保養等等⁣
2)外國註冊或許可文件⁣
3)保險單文件,尤其是你以前居住的物品的家庭物品清單⁣
4)警方證明⁣

你有2個做法申請:⁣⁣

1)於個人家當寄出前,你或你代理人向海關申請ToR1⁣⁣

2)於個人家當寄出後,你應該向海關直接申請ToR1(申請期間你嘅家當有機會會被扣留)⁣⁣
⁣⁣
個人物件不可以比你早到英國超過6個月。⁣⁣
即係若果你今日寄野去英國,你至少要2021年3月中要到達英國。⁣⁣
呢個申請亦只接受你到達英國後一年內申請。⁣

Link:
https://www.gov.uk/government/publications/application-for-transfer-of-residence-tor-relief-tor01

【🦁獅子個人分享-英倫生活消費分析~住、行篇🇬🇧】⁣

聽過好多香港朋友講覺得英國好貴,驚過嚟生活指數太高。⁣
但其實呢,咁啱呢幾日Mercer report出咗最新「全世界最貴城市」統計,香港又排全世界第一!而倫敦只係排第十九。⁣

英國消費指數對香港人嚟講都唔算差天共地。⁣
今次我哋淺淡下我哋英倫生活各方面消費水平,等大家有個參考:P⁣
💛⁣

🇬🇧🏠1)住-租金⁣

作為國際大城市嘅倫敦,好多人都認為係倫敦住會好貴。無錯,某程度上都可以幾貴。⁣

其中租金佔每個月嘅支出最多,睇番2019嘅條數,住宿基本上會佔左你收入一半咁濟。但當然好睇你住咩地區啦!⁣

之前我哋分享嘅英倫搵屋攻略都有大概講過,其實倫敦只要唔介意住出少少,都可以用千鬆磅住得好大嘅地方。我哋身邊朋友嚟working holiday 4個女仔share一間zone2嘅house,每人大約550磅左右包所有bills。⁣

相反,分享下我哋比較有錢嘅奧地利情侶朋友住倫敦Zone 1 東邊Shoreditch嘅情況,佢地租咗一間位於Shoreditch嘅1 bedroom靚 flat:⁣

租金:£2,500/月⁣
Council tax: £1344/年⁣

以佔43.7%黎計,估計佢地每月after tax income至少有 £5,721(£2,500/43.7%),先夠應付!⁣

所以想住Zone 1又要住靚屋嘅朋友仔就要好好考慮下啦!⁣

不過因為疫病關係奧地利情侶將會搬番去奧地利,而且其實倫敦好多人都因為疫情回國,相信未來倫敦租金將會稍微回落。⁣

🚎2)交通 - 公共交通⁣
以前我星期一至五要由Zone2搭巴士+Tube到Zone1 返工,所以我會買weekly TFL pass £36.1或者monthly £138.7。以前香港月費黨鐵卡都只係四百幾,英國交通真心貴!⁣

如果唔想買pass,用Oyster/ Contactless Payment Card 搭車嘅話每日都會有個上限cap,而且大家記得用Oyster/ Contactless Payment Card搭Tube會比起用cash平一半@_@⁣

大家可以去下面條link睇番唔同zone之間daily cap (按番大家嘅唔同需要)⁣
如果大家主要市中心 Zone1-2 來回嘅話,每日cap大約7英磅左右。Single journey就可以參考返圖。⁣

https://tfl.gov.uk/fares/find-fares/tube-and-rail-fares/caps-and-travelcard-prices⁣

搭巴士只係£1.50…但唔會動搖到我日日揸車嘅決心!⁣

🚕3)交通-自駕⁣

作為一個揸車J,會留意油價有無跌,早2個月因為疫情跌到落谷底,油價只係像徵式跌少少,我對眼反到一個點。但無辦法地我只好死死氣地去入油…以我架VW Golf TDI柴油車入滿一次油要大概£70,可以行到500miles (唔入City)左右,等於800KM。幾耐入一次就睇返你自己有幾常揸啦!相信有係香港揸車嘅朋友都好難接受,無錯呢個就係事實。⁣

總言之,豐儉由人(廢話)~不過英倫無大家想像中咁貴,只可以話最貴就係交通呢一part,希望可以幫到大家!

【非港式生活(飲食篇)-居英發現的變化小分享】⁣

應承咗寫好耐嘅終於有時間寫,民以食為先!飲食對我黎講太重要,如果要黎英國又鐘意食野既朋友最好睇睇,之後好食返夠本再過黎啦🤤


(長文慎入,唔好意思。皆因其實我地都係食貨)⁣

🍽一)英國人早午餐輕食文化⁣
我發現永遠我同同事講我食腿蛋通多士加杯奶茶做早餐,佢地都會話「oh my gosh you eat like a royal family, such a full breakfast」。佢地係唔興食早餐,最多食yogurt,或者porridge食塊包飲杯咖啡就算。有同事仲話一朝早如果聞到熱食就想嘔…所以如果想要開早餐店既朋友諗清楚。⁣

🍽二)餐廳等waiter serve⁣
會等waiter主動黎serve,通常唔會舉手叫waiter黎點餐,會被視為無禮貌。⁣

🍽三)餐廳分starter,mains同sides⁣
普遍既西餐都係分呢三樣叫,通常餐廳會先上starter,再上mains,但如果你想全部野一齊食或者唔想等,可以叫佢一齊上。好多時mains都係煎排煎魚pasta或burger果d野,可以跟薯蓉/薯條/沙律/包之類既sides飽肚。⁣


🍽四)餐廳service charge⁣
一般都有10%,有時已寫係單上,如果冇可以自己留銀仔或者card machine再自己加比waiter。⁣

🍽五)超市分好多level⁣
由平價排到高價主要大型超市:(只代表本台立場)⁣
Aidi < Asda < Morrison < Tesco < Sainsbury < Waitrose < M&S⁣

🍽六)冇乜平民美食⁣
冇得十蚊有串魚蛋,廿蚊有得生菜魚肉呢隻歌仔唱。想食得飽d又有熱食啊?放低起碼8磅先講。出去食一份料足d既三文治都4、5磅,就算去street market買個burger都8,9磅,入餐廳要食個mains都10磅走唔甩。我食勁多野,想係london食飽起碼都要比9磅買個越南河或者買個海南雞飯。⁣

🍽七)兩個禮拜去一次大型亞洲超市入貨⁣
通常儲埋一次過去買米、紹興酒、豆腐、醬油、湯包果d野。⁣

🍽八)甜品普遍好甜同埋黎黎去去三幅被⁣
呢邊d蛋糕好重糖粉,一味甜。相對起亞洲甜品真係失色好多。通常我會揀日韓式既cafe去買甜品,質素高好多。同埋呢邊d雪糕雪條冇香港果d咁creative,黎黎去去只有salted caramel,vanilla,chocolate,peanut butter etc,唔似香港連haggen dazs 都成日出新味。⁣

🍽九)BBQ文化⁣
呢邊好多屋都有花園,一到夏天大家都好鐘意去後花園bbq,都幾開心的~遲下香港人一齊搞bbq啦。⁣

🍽十)超市肉類種類多⁣
超市冰鮮肉類好多款,岩岩黎果陣覺得好正,好易買到五花腩同羊肉(有羊肉碎有羊肩羊脾)~成日可以自己扮韓燒。⁣

🍽十一)Pub 文化⁣
冇得轉角就有茶記,但呢邊就總有一間pub係左近。英國人鐘意係pub度聚腳,放工去飲杯,或者食sunday roast。⁣



🍽十二)開車買野食Drive through⁣
麥記、kf雞呢d fast food chain有drive through 買外賣service,唔駛落錢,坐定定係車。⁣

🍽十三)煮野食用電磁爐⁣
好多屋企都係build in 電磁爐(induction hob),本人十分想念明火(Burner gas hob),好掛住d爐氣!(ROAR!!!!!!!)⁣

🍽十四)high street永遠總有既餐廳⁣
黎黎去去走唔開Nando’s,炸雞店,Burger shop,chinese take away,kebab同pub。或者日式連鎖店wagamama,Wasabi。⁣

🍽十五)Farmer’s market⁣
城外城內總有d farmers market比你買local produce,可以平價買到靚水果/honey/芝士呀果d。⁣

🍽十六)英式中餐⁣
呢邊既中餐永遠都係果幾味,古嚕肉/蠔油雞/豉椒牛。仲有一味我從來都未食過既香酥鴨?!⁣


🍽十七)抽油煙機無香港果d咁勁⁣

🍽十八)週間食材送上門⁣
有一d英國公司提供一種服務,係按你dietary preference幫你設計好一個禮拜既餐單,然後每個禮拜會將最新鮮食材送上門,你到時打開包裝煮就得。⁣

🍽十九)外賣文化加公園食野⁣
外賣係呢邊好盛行,而且好多人鐘意買完就去公園或者搵塊草地坐低食。⁣

🍽二十)vegan,vegetarian,gluten-free⁣
呢邊d人特別倫敦既注意飲食健康,比起香港呢邊多好多素食等選擇,如果想做餐飲業既香港朋友都留意返可以加入適合素食者既種類。⁣

以上希望可以幫大家係腦中塑造到一個英國生活既畫面,黎緊雖然有好多「非港式」既野要接受,又無咁高質既港式奶茶……但其實都有好多好野比大家發掘~相信將來多左香港人黎,香港餐廳都會遍地開花,十分期待!:)⁣

【英國考車學車-practical test篇】

⁣⁣當年我學車俾師傅呃鐘,明明應該考得,但俾佢拖左起碼兩星期。不過可能因為佢拖我鐘所以我好好彩一take pass!

⁣⁣前前後後我洗左大概£1000去學車(大概七年前),當時我一星期上兩堂,一堂個半鐘,每個鐘二十幾鎊,實數唔係好記得。果陣我係係英國中部學,相信倫敦地區會貴少少。英國唔似香港咁多駕駛學校,我指嘅係有個場俾你入去公式化咁俾你日操夜操嘅駕駛學校。英國會比較偏向以前香港咁有好多師傅自己出黎教。⁣⁣

咁點樣搵師傅呢?⁣⁣我當年係朋友介紹嘅,不過你當然可以上網自己搵比較下review同價錢啦!⁣⁣有幾個tips可以俾大家揀driving instructor時留意。⁣⁣去以下網址;

⁣⁣https://www.gov.uk/find-driving-schools-and-lessons⁣

1.打自己屋企postcode, 睇下附近有咩instructors, 佢會提供instructor嘅名字、email和電話號碼。⁣⁣

2.打postcode時也不妨試多幾個mile以內嘅其他postcode,因為佢有時只會顯示1 mile以內。

⁣⁣3.揀一啲有標示有CPD(Continuing professional development)即係仲有keep住學習同A grade嘅instructor。 因為若考試內容更新,如果無持續CPD,可能未能掌握最新考試嘅要求同內容。 而如果instructor自願將自己嘅資格考核成績公佈出黎,並而且取得A grade,都係個信心嘅保證。⁣⁣⁣

當時仲係學生嘅我去學車當然就係見到師傳先交學費啦!但個個師傳都唔同有啲一次過交學費會有平啲,呢啲你要自己同佢deal。不過建議唔要一次過交哂!香港人咁醒你知點解嘅。

⁣⁣學車可以揀學自動波或者棍波,個人意見就緊係學棍波啦!咁樣先享受到駕駛嘅樂趣架麻!講返學車先,其實學兩個月左右理論上就可以去考架啦(要睇返你上堂上得密唔密同你資質啦)。當Instructor覺得你OK就會叫你去報考。 同時佢會俾佢個personal reference number你,咁到考試當日你就可以揸返instructor架車去考試。

⁣⁣考試費用如下;⁣⁣

Weekdays: £62⁣Evenings,

Weekends and bank holiday: £75⁣⁣

考試時間大約45分鐘⁣⁣以下分享小小心得;⁣⁣

1.揀非繁忙時間去考 (條路都無車出roundabout都無咁吃力)⁣

2.英國駕駛者一般都好禮讓,由其是你有咁大個“L”係車頂⁣

3.慢慢揸,唔好俾咁大壓力自己

⁣4.就算覺得自己犯錯左都要繼續考落去,因為有機會只係minor mistake,唔好俾個小錯誤影響到自己⁣

5.無需要考VAN仔,因為係英國考到私家車牌就可以揸VAN仔⁣⁣最後祝大家一take pass!搵日一齊去road trip!⁣

【英國考車學車-Theory test篇】⁣

英國考車主要分兩部份-theory test & practical test。其實講白啲就係筆試同路試,大家要先pass左theory test先至可以報考practical test。今篇集中講theory test。

⁣⁣諗番我考車嘅時間都有起碼7年前,當年我無好好溫書所以考左兩次theory test,後來俾我搵到個考theory test神器,終於令到我pass到。但係報考theory test之前,要去搞番張provisional licence先!條件如下:

⁣⁣Provisional licence⁣⁣

1.年齡為15歲零九個月以上⁣

2.睇到20米內車牌⁣⁣

入以下呢個網址申請;

https://www.gov.uk/apply-first-provisional-driving-licence⁣

你需要提供以下資料及申請費:⁣⁣

1. 你的身份証明文件(一般俾passport),除非你有UK biometric passport⁣

2. 三年地址record⁣

3. NI (如果你有的話⁣)

4.網上申請費用為£34⁣⁣

如無意外一星期內你就會收到屬於你嘅Provisional licence。⁣⁣

獲得provisional licence就可以報考theory test啦!咪住你都未溫書,你係咪想步我後塵想考多次?介紹返呢個考試神器(非廣告…我都想有廣告)⁣⁣

Driving Theory test 4in1呢個app模擬左成個theory test。當年我訓前,開個app做幾次,直到次次做都合格為至。咁樣要拎pass就十拿九穩。⁣⁣

呢個theory test主要分兩部分;⁣1.MC選擇題,你有57分鐘去答50條問題,你至少要答岩43條先叫pass呢部份。⁣⁣

2.Hazard perception,呢部份基本上係播片模擬平時揸車嘅情況,當中會遇到一啲路面突發或者駕駛者要注意嘅情況。當你感覺到有危機時你要做就係click隻mouse。 呢個test滿分為75,合格分數為44分。

⁣⁣Theory test 2020考試費為£23。準備好嘅你就可以去以下條link登記去考試

⁣⁣https://www.gov.uk/book-theory-test⁣

*Pass左要係2年內去考路試,否則要重新考過。下次為大家講下路試,你又估下我考左幾多次路試?⁣

【蘇格蘭Glasgow介紹-居英港人資訊分享part2】by Taylor

⁣⁣⁣⁣⁣⁣⁣🤫1.係Glasgow都學到中文?⁣⁣Glasgow其實有一間中文學校係Kelvin college嗰度搞比大人同小朋友上既週末或者暑期班,會有好多BBC細路同大人去呢度學中文,分咗廣東話同埋普通話班。如果你嘅小朋友好細個黎讀書生活的話,可以考慮送佢入去讀,能夠認識返當地華人。媽咪更可以去做義工/教中文添。⁣⁣⁣⁣Glasgow個華人圈子唔大,唔知算係好事定係壞事。而佢地嘅上一代好多唔係takeaway打工就係開takeaway或者喺中餐館打工,佢地培養出黎嘅第二代華僑反而會做返一啲比較專業啲嘅工作,例如Accountant, architect, engineering, computer science等等,加上英國捉黑工好嚴格,外賣店人手長期都好缺。⁣⁣⁣⁣呢個情況係成個英國都係咁,因為上一代嘅師傅開始退休,無疑地係有市場比有意欲搞小生意嘅香港人黎發展。 ⁣⁣⁣⁣仲有唔講唔知,Glasgow呢邊係有黑社會,仲要幾嚴重下,一般黎講分左兩派,廣東幫&福建幫。好多中餐都會有個幫會“照住”,我唔清楚有無需要交保護費啦。但如果你考慮去Glasgow開中餐廳,就最好注意一下啦!⁣⁣⁣

🤫2.有咩好食?⁣⁣⁣Glasgow有一間幾出名叫龍鳳大酒樓, 有點心食(你知香港人都鍾意飲茶架啦)真係唔錯,燒味亦都好好食。另外有一間叫家家樂,都幾ok下。⁣⁣⁣⁣我仲係學生嘅時候,久唔久就會去雲頂賭場,但唔係去賭錢。因為呢家casino主要針對華人市場,有K房,有得打麻雀,有得打邊爐,有得食煲仔飯同車仔麵等等。由於呢邊中餐廳多數星期二休息,所以有好多當地華人都會去呢間casino打躉。⁣⁣⁣⁣有興趣去想識當地華僑嘅朋友可以留意返。 中秋仲會有免費buffet同埋龍蝦食添。另外係west end 有一間叫東北人家都幾出名食大陸菜。仲有Sauchiehall street有唔少餐廳俾大家選擇。⁣⁣⁣

🤫3.有咩好玩?⁣⁣⁣一家大細嘅你平時有咩做呢?若果你有揸車的話,介紹返Loch Ness (水怪)同埋Loch Lomond ,兩者都有得游湖。⁣⁣格拉斯哥落倫敦坐快車都只係4個鐘頭嘅事,近少少去Edinburgh都好多野行同玩。唔知大家有無聽過天空島,果個島就係007, 哈利波特取景嘅地方,靚到不得了,不過建議暖啲先好去, 高地長期都好凍。鍾意飲whiskey 嘅朋友仔可以去d Isle 參加whiskey tour。附近亦有唔少national park/garden 鍾意大自然嘅朋友仔可以考慮下, 例如Kelburn Garden, 早幾年好熱門嘅唐頓莊園就係喺inveraray castle取景。⁣⁣呢邊好多博物館都係免費入場,帶埋小朋友去學下野都係一個唔錯嘅體驗。⁣⁣⁣⁣有別於其他城市嘅china town, Glasgow呢到嗰個係比較頹,得啲law firm,旅行社同bakery。如果要買番中國野呢,入番town centre都有幾間中超選擇。

⁣⁣⁣⁣🤫4.Scottish口音好重?⁣⁣另帶一提,Scottish,唔多唔少都有啲啲無意識外嘅排外心態,因為始終唔似南部嘅英國人接觸到咁多外國人,但其實佢地好好客,只係少接觸有international background嘅人。有好多人好擔心聽唔明Scottish accent,的確係有別於一南部嘅英文口音,岩岩落機可能會難習慣,例如有好多R音,尾音會飛起左等等,而且slang都唔係一般人會明,有機會再同大家講多少少。反而Edinburgh口音會接近英格蘭唔似Scottish。建議出發前聽多啲,一定有幫助。⁣⁣⁣⁣

🤫5.教育大學升學方面,Glasgow University出哂名係好多大陸人去讀,選擇左就要有心理準備。Strathclyde商科同埋理科都幾ok,基本上都係白人多。Glasgow University嘅牙科同獸醫都好出色,有意讀呢兩科嘅朋友仔要留意番。⁣⁣

【蘇格蘭Glasgow介紹-居英港人資訊分享part1】by Taylor

⁣⁣⁣⁣⁣⁣🌳1)城市介紹⁣Glasgow屬於Lanarkshire,正確黎講係South Lanarkshire。自開埠以來一直都係都係一個好大嘅港口城市,同曼城一樣係一個工業化嘅城市, 係英國排第三大或者第四大嘅城市一路以來Scotland都唔係一個移民國家,所以大部分人口係白人。小小歷史知識分享:Glasgow以前係一個奴隸交易嘅港口,有幾條街名仲係用緊以前奴隸主個名命名,二戰時期有好多意大利人避難走到左去Glasgow,所以唔難發現呢度有好多意大利餐廳, 係英國首先開始賣gelato既地方。⁣⁣⁣⁣⁣⁣同London一樣, Glasgow都分開東西邊,西邊係傳統富人區。格拉斯哥大學亦位於西邊,哈利波特都有喺嗰邊取過景, 貴價餐廳都會集中喺西邊。⁣⁣⁣⁣⁣⁣東邊有個大公園叫Alexandra Park。River Clyde貫穿了整個城市。Scotland出名咩呢?好多人都認為係羊毛呀風景呀!如果大家係Edinburgh買到嘅羊毛其實好多都係made in china,唔一定抵買。出名食嘅有傳統Haggis, 簡單黎講就係羊內臟做成嘅腸,其實個味道同black pudding都幾相似。仲有大家都好熟悉嘅蘇格蘭舞Ceilidh,係籌款結婚,周年節慶嘅必備節目。蘇格蘭有隻soft drink叫Irn-Bru,係Scottish 既國飲,我相信全世界都好小可有個地方係可口可樂唔係最賣得既汽水。當然呢邊嘅whiskey都好唔錯啦! ⁣⁣⁣⁣⁣⁣⁣⁣

🌳2)工作⁣工作方面其實咩工種都有,但有心理準備人工會比愛丁堡低。做Marketing嘅朋友就唔係好建議去Glasgow啦,因為就算搵到工,人工都唔可觀,有朋友即使有2個degree,稅前都只得£1,800/月左右。工作機會亦唔多。⁣⁣⁣⁣雖然Glasgow前身係工業城市但到今時今日,Science, Bio tech ,space engineering,arms trade都幾多機會。做IT同Accountant 都會收入穩定,但人工一定唔及其他城市高,低生活開支低其實完全cover到。 ⁣⁣⁣⁣要注意嘅係Scotland呢邊£25,159 to £43,430要俾21%稅,呢一樣野係英格蘭係無嘅。易唔易搵到工其實好見人見智。 JP morgan Scotland嘅總部就係位於Glasgow。 做finance嘅各位可以留意返。係lockdown之前job fair 都會不時舉行 ,公司會藉此招聘人才。如果對威士忌有番咁上下認識Glasgow將會係你發展所長嘅好地方。 近幾年Scotland 有一啲新興專搞local tour嘅公司,主要針地返亞洲市場客路。另外Glasgow有樣野特別就係無咩hostel唔似倫敦咁多。 但其實呢方面嘅需求都幾大,因為本地個展覽中心都成日好多活動/演唱會,又或者搞Airbnb都有so嘅。⁣⁣⁣⁣⁣⁣⁣⁣

🌳3)租/買屋⁣居住方面,其實同好多大城市一樣,市中心會比較繁華少少,住遠啲的話會無咁靚啦。一般係Glasgow嘅兩房單位大概係£900-£1300左右不等(新樓condition)。如果住舊少少嘅單位可以平到£500-£600成間屋。同埋近來愈來愈多人認為Glasgow係一個好嘅投資地點,所以好多人黎買樓,因此樓價已經升左少少,但相比香港係小毛見大毛,講緊嘅係£200K 左右已經可以買到層樓。 喺蘇格蘭買樓,通常嘅情況之下你都係要出高過個asking price少少,同英格蘭啱啱相反。業主要準備埋驗樓報告,唔係買家自己嘅責任⁣。

⁣⁣⁣⁣⁣⁣⁣⁣🌳4)飲食物價⁣食方面,就見人見智,個人經驗黎講,一個人如果唔係成日出街食,每個月洗費£200其實都做得到,偶爾出街食就£3-400啦。確實係平過傳統大城市London同Manchester好多。

⁣⁣⁣⁣⁣⁣⁣⁣🌳5)交通⁣係Glasgow都有得搭地鐵,但唔係叫tube係叫subway同美國一樣。 Glasgow嘅subway係一條循環線,對於年紀大嘅朋友仔比較容易適應。另外Glasgow嘅人有一種興趣,就係買一張subway day pass,去subway沿線嘅每間酒吧幫襯瘋狂飲, 叫做subcrawl⁣⁣⁣⁣⁣⁣⁣⁣⁣

🌳6)區域介紹⁣至於Glasgow有咩地區唔建議住呢,Maryhill係其中一個地方好多Glasgow人話要避免住。但我本身住過一排,發覺又冇乜野。另外Springburn,都有幾多中國移民係係個邊, 但Springburn/Braehead內都有D shopping mall係幾正嘅。Paisley, East Kilbride, Govan, Parkhead都係要遠離嘅區域。如果要選擇好區就會建議住番west end,East Dunbartonshire, Bearsden, Partick, Thortonhall, Hyndland, Anniesland, Park Quadrant 呢D區份,而且近Glasgow university,亦都係主要遊客區,治安好同適合居住。⁣⁣⁣

香港車牌轉英國車牌(P牌都轉到)

未黎英國之前一直都覺得係香港揸車係一件苦差。

一來去到邊都塞,二來搵車位又難,三來養車又貴。

雖然英國由其是倫敦市中心塞到傻,但係除此之外識路嘅話有好多地方都可以免費泊車,亦可以以相對比香港平嘅價錢買歐洲車,老實講英國生活無車就好似無咗雙腳一樣。加上英國大過香港咁多遊十幾個鐘車河不是夢,直頭揸到你唔想揸,當然你可以唔同意我。(住耐咗你就知!)

同意我嘅各位係咪好想我講點係英國買車呢!?

英國買車首要條件係要有英國車牌同錢。 錢方面我就幫唔到你啦,所以呢篇文章主力同大家探討下點換英國車牌。LOL

首先咁多位大佬需要係香港已經考到車牌。(遲啲再講點樣係英國考車牌)

只要有香港車牌,轉做英國車牌嘅手續一啲都唔困難。

咁就要向各位介紹返DVLA啦!DVLA即係Driver and Vehicle Licensing Agency,亦都即係等於香港嘅運輸處,所有有關車輛、車牌等事務都關呢個部門事。

以下係DVLA嘅網站:https://www.gov.uk/government/organisations/driver-and-vehicle-licensing-agency



點樣轉香港車牌做英國車牌?

喜訊! 就算香港P牌仔亦都可以轉你嘅香港車牌做英國車牌,可以即刻road trip!不過當然要make sure你係安全駕駛者啦。只需要download D1 form填好個人資料連同以下資料:

1.Passport

2.香港車牌

3. 証件相一張

4. 其中需要支付£43嘅申請費用,大家可以於post office 叫佢幫你開cheque (只限大型post office),交埋郵費(包括掛號寄番啲文件俾你嘅費用)!

去post office寄去DVLA (地址係最後),三個星期內 (通常無咁耐)就會收到你英國車牌啦!

https://www.gov.uk/exchange-foreign-driving-licence
https://www.gov.uk/dvlaforms (而家因為covid-19暫時停止服務)

DVLA address:

DVLA

Swansea, SA99 1AF


收到車牌嘅信件:

如果想搵個人問清楚,好歡迎你msg我哋~我哋會盡量答

------------------

Lion Rock Hill UK 香港人來英落腳點

兩個90後香港人於英國lockdown期間開嘅平台,無中武肺。

希望盡小小力幫香港人,保留香港文化同精神。


🙋‍♀️加入FB Group 英倫尋找屬於香港人嘅另一種生活 同聲同氣群組及活動

https://bit.ly/2MIggVk


加入Telegram Group 加入來英香港人同聲同氣群組、日後活動公佈

https://t.me/joinchat/SvDuKxq1kEmVMjPK0dZ-tw

🍜Follow IG 每日update 英倫生活文化 資訊

https://www.instagram.com/lionrockhill.uk/

【曼城區域生活資訊】⁣⁣⁣⁣by 有心⁣⁣⁣曼城網友

我個人經驗分享在Manchester的住,食和行。約干年前一個人去英國工作,頭幾個星期住酒店及service apartment. 由於第一份工是在Manchester 南面Sale,所以搵屋住都近返工的地方,行路返工。住在Sale 好方便,有Metrolink 去市中心。食方面,有三大超市Tesco,Sainsbury 及M&S買餸。住在Sale 感覺治安不錯。⁣

週末坐Metro去Manchester 市中心行街。坐Metro非常方便(可以上Transport for Greater Manchester 網路搵車費及路線圖)。在市中心購物有Arndale Centre, China Town。⁣

想食港式麵包,有旺旺及添記。食印巴咖哩一定要去Rusholme (又名Curry Mike). 食唐餐除左China Town外,也有在大學區附近的永興隆,Ancoats 附近的永業行. 食西餐可以去Northern Quarter. 去shopping mall,除了市中心的Arndale centre, 也有另一選擇在曼城西面的Trafford centre, 從市心有巴士及Métro 直達。⁣

想去其他城市可以去火車站(Manchester Piccadilly或Manchester Victoria). 坐火車去倫敦一定要去Manchester Piccadilly. http://thetrainline.com/ 買火車票。坐coach 去其他城市都非常方便,價錢可能比火車平 (Megabus 及 National Express)⁣

第二份工在Manchester市中心,由於當時仍然住在Sale,每日都要坐Métro 返工,之後搬屋住過曼城南面的Chorlton, Withington。還有Didsbury 這三個地區都有好多young professional 住。⁣

治安也不錯,這三個地區去city centre 也非常方便,有metro 及巴士。搭巴士記得留意同一巴士路線,有唔同巴士公司營運(Stagecoach, megabus 及其他)如果買左某一巴士公司的day return ticket 或bus pass (有效七天)回程要上番同一間巴士公司的巴士,不然要比錢買另一張票。⁣

我也曾住過曼城南面的Wythenshawe,這區有好多council houses. 曼城東面的Ashton Under Lyne, Ashton 有Ikea, 在metro 的總站。南城南面Moss Side 係治安非常差的地區。我個人觀察,好的地區的居民身形比較好,可能係注意健康,在街上也比較多人跑步。⁣

幾年前有小朋友就搬去曼城南面的Altrincham住,因為Altrincham 有比較多好的State school. 由於心儀的小學是教會學校,早一年報reception 時去指定的教會星期日的主日學,其實比小朋友一齊玩,聰聖經故事。搬去Altrincham 的另一原因是小朋友活動比較集中,在Altrincham town centre 有leisure centre 及其他興趣班。⁣

週末帶小朋友去附近council 管理的公園Sale Water Park, Chorlton Water, 也有National trust 旗下的Dunham Massay, Tatton Park, Lyme Park, Quarry Bank. 還有好多好多好玩的地方,如夏天去Kenyon Hall farm 摘strawberry 及其他生果。⁣

最緊要有車才可以去遠一點的地方玩。去沙灘玩可選擇Liverpool, Southport, Blackpool 附近的沙灘,但絶不是水清沙幼,而且大風及沙粒比較粗,夏天炎熱(20 度以上)也是一好去處。除了沙灘,夏天可以去Peak district 及Peak District 行山睇風景。⁣

有時間會分享更好,保重

【英國主要各大城市-Sheffield-居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

最為綠化的城市山腳下的大城市– Sheffield
Sheffield位於環境優美且歷史悠久的South Yorkshire,地處英國中心地帶。高速公路M1必經之地,而M1是英國最早建成的城市間高速, 連接了Leeds、Sheffield、Nottingham、Leicester、Northampton和London。無論南下到倫敦抑或是北上到Leeds 的必經之路。所以非常之方便, 去邊到唔係太遠。


點解係綠化的城市??Sheffield樹木冠絕全歐,一項評估稱總計雪菲爾共有超過200萬顆樹木, 市內更有有50多個公園,都處都係美麗的草坪綠地。這個城市在山脈The pennies 所包圍,更是五條河流的交匯處。


而家Sheffield已經從工業城市轉變成綜合型經濟城市,將自己重新定位為一座體育與科技之城, 整個城市的體育風氣及運動設施非常之完善。
Sheffield也一座大學城,Sheffield University and
Sheffield Hallam University 都係在城市中心..
人口中91.2%為白人,4.6%為亞洲人,1.6為混血種,1.8%為黑人
Sheffield是一個擁有多元文化的城市, 更係一個美食之城,中國菜, 點心, 日本菜,意大利菜,西班牙菜,世界各國不同風味的餐廳和coffee shop都可以找到。

交通
火車
Sheffield的市內交通非常便捷,多條有軌電車tram線路連接了城市的主要街道。
謝菲爾德火車站有通往英國各大小城市的火車,非常方便。如果要去英國其他城市,坐火車是最省時省力的方法。謝菲爾德火車站位於市中心呢,來往車次頻繁,從倫敦過來車程兩個多小時左右。


Shopping
重點嚟啦, Meadowhall市內最大嘅購物商場,在英國來講就算出名,一講起Sheffield就會諗起呢個購物中心。裏面嘅food court有d似香港感覺, 是英國首屈一指的購物和休閒最佳去所之一。 Meadowhall擁有超過270個零售店,37家餐廳。旁邊更有一間巨大的Ikea…行足成日都得….


遊玩
Sheffield博物馆:千禧画廊 | The Millennium Gallery
Sheffield冬季花园 | Sheffield Winter Garden
英國最大的溫帶溫室,創造了一個擁有2500多種植物的綠色世界,在過去的一百年裡屢獲殊榮,是名副其實的城市綠洲。該花園建築長70米,高22米,裡面還有供大家休息的咖啡茶點屋。


Sheffield植物园 | Sheffield Botanical Garden
植物園佔地超過19英畝,有超過5500種的植物。集合了世界各地的植物,包括地中海、亞洲、美洲草原等等。該植物園幾乎全年都有各種展覽。
最緊要係咩呀,以上三個地方全部免費參觀。
Chatsworth House, Mayfield Alpacas, Abbeydale Industrial Hamlet
呢啲係近郊既選擇,在山脈旁邊當然還有很多行山的路徑選擇.
最緊要樓價未冇俾人炒高🤣🤣

【英國主要各大城市-Newcastle upon Tyne 紐卡素-居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

英格蘭北方最大的城市 Newcastle upon Tyne — 紐卡素
紐卡斯爾位在英格蘭、蘇格蘭交界. Newcastle 是英國東北部Northumberland 的首府, 也是整個英格蘭北部最大的城市。如果要簡單形容Newcastle的話,酒吧很多、很多美麗而又有特色橋、人十分熱情。


Newcastle 在泰恩河的北岸,建城於羅馬帝國時代,由羅馬帝國皇帝修建, 所以市中心有好多很美中世紀的建築。我個人覺得這個城市的河邊是最迷人的,沿着市中心10分鐘左右就到達quayside。之後你會看見有多條各種不同而又重疊的橋. 泰恩橋 Tyne Bridge , 名氣最響的一條, 但是最美的一條。High Level Bridge , 歷史最古老也最高, Swing Bridge, 規模最小是一座旋轉橋。Gateshead Millennium Bridge 千禧步道橋 ,特色是向上翻 45 度可以打開河道給船隻通行。每日都會見到很多人在河邊做運動,散步,星期日仲有河邊市集。


市中心有幾個地標, 其中一個就係紐卡素St. James 足球場, 英國人是非常瘋足球的, Newcastle 的人也不例外..每逢有足球比賽的時候你會看見整個市中心的人去入場看比賽,都會向球場方向走過去,然後市中心有兩個小時就好像死城一樣,
紐卡素還有中國城,雖然規模沒有曼城的大,但係有着不同類型的餐廳,日本菜,,泰國菜,馬來西亞菜, 應有盡有…最重要係有得飲茶, 有點心食…所以食呢方面就唔使擔心。


交通
Newcastle離London火車約3個小時,離York約1個小時,離蘇格蘭Edinburgh約2個小時就到了。而市內的交通建議搭輕鐵,貫穿城事大部份地方..十分方便
Newcastle 還有一個國際機場是英格蘭北部的最大有機場,主要飛內陸,歐洲,蘇格蘭。


行街/交遊
Newcastle有兩個很大的購物商場,一個是市中心的intu Eldon Square一個是(離市中心大約10分鐘車程的Metrocentre,一天逛不完,曾經是全英國最大的購物商場。
住在Newcastle的一個好處是他離蘇格蘭超近,比倫敦還要近,而且去附近小城市玩其實滿方便的。York、Durham、Leeds里茲等等的小古城。
PS: 這個城市動靜皆宜,城市建築物寬躺,屋又平,完全沒有壓迫咁。鄰近海邊同河邊,同時間又有大商場適合鍾意購物嘅朋友。如果未知道邊度落腳既朋友,可以留意下呢一個城市。符合晒你哋所有嘅需求。

【英國主要各大城市-Sunderland 新特蘭-居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

成日都介紹D好嘅城市比大家, 今日就掉番轉介紹一個唔鼓勵大家去嘅城市– Sunderland 新特蘭.

新特蘭位處英格蘭東北部,算是一個海邊嘅城市。以前係造船業嘅重鎮,十分繁榮。但隨住英國經濟轉營,區內經濟好景不再,失業率高企,市中心就如今日嘅尖沙咀一樣大量吉舖。其實呢個城市十分清幽,河畔夕陽。生活環境十分理想空間感非常之大。可惜經濟低迷,搵工相對地困難。

呢個城市唯一比較好嘅,就係有一間大學同埋一隊球隊。大學主要收海外學生所以會有好多中國嘅學生過嚟這間大學讀書。無論香港或者係中國內地都有這間學校的分校,但係排名就…..

新特蘭全市最大的地標光明球場(Stadium of Light)。作為市內唯一一支職業球隊,球隊成為咗當地區民嘅精神寄託。

呢個城市其實曾經風光過一段時間, 最高峰期兩房市中心apartment 喺2008年嘅時候賣緊二百四十二萬。大家又估下今時今日值幾多錢???

答案係…..七十萬。。。。CLS…唔信你自己禁入去睇吓

如果有人介紹你呢度啲樓盤,就要諗清楚啦。因為疫情嘅關係,大部份學生組已回國。整個市中心十分冷清. 大部份海外投資業主都無法收到租金。

既然唔鼓勵呢個城市,都唔再講咁多啦..
如果曾經考慮呢一個城市,我建議去隔離大城市Newcastle..天淵之別….

咁下邊就講Newcastle紐卡素啦, 請大家留意

【State school有咩收生條件?- 居英港人資訊分享】by Katherine⁣

你需要去你住果區council 網站申請。大部分學校會要求讀Year 5/ Year 6小朋友嘅家長或認可嘅大人親自接小朋友放學。⁣⁣⁣當然你可以申請其他區嘅學校,但過程會比較複雜。你亦都要考慮無校巴接送小朋友返學,而且返學嘅路程會比較長。⁣

⁣⁣⁣⁣

✏️有咩文件可以當地址證明俾council?⁣⁣⁣✏️⁣

⁣⁣⁣

-council tax副本⁣⁣⁣⁣

-六個月內水電費單⁣⁣⁣⁣

-律師信地址證明⁣⁣⁣⁣

-租約contract⁣

⁣⁣⁣⁣

✏️政府學校種類:⁣⁣⁣✏️⁣

⁣⁣⁣⁣

(1) Community schools⁣⁣⁣⁣

由非宗教或非牟利local authority運作嘅學校⁣⁣⁣⁣

⁣⁣

⁣⁣

(2) Foundation schools and voluntary schools⁣⁣⁣⁣

同Community schools差唔多,但Foundation schools and voluntary schools有機會由宗教團體& local authority運作,而且比Community schools有更多自主性⁣⁣⁣⁣

⁣⁣

⁣⁣

(3) Academies schools⁣⁣⁣⁣

由非牟利academy trusts運作嘅學校⁣⁣⁣⁣

⁣⁣

⁣⁣

(4) Grammar schools⁣⁣⁣⁣

跟據小朋友成績要考試先知比唔比入嘅學校 (等同考狀元)⁣⁣⁣⁣

⁣⁣⁣⁣

⁣⁣⁣⁣

每間state school可以有佢自己嘅✏️入學標準條件✏️如下;⁣⁣⁣⁣

⁣⁣⁣⁣

-屋企同學校距離⁣⁣⁣⁣

-有無兄弟姊妹係果間學校讀緊⁣⁣⁣⁣

-宗教信仰⁣⁣⁣⁣

-通過入學試⁣⁣⁣⁣

-之前讀過某間學校(一條龍直升)⁣⁣⁣⁣

-有資格獲得學生保費或在職學生保費嘅人⁣⁣⁣⁣

-父母係學校工作至少2年⁣⁣⁣⁣

⁣⁣⁣⁣

**因為有各種原因,中途入學其實好正常,大家唔需要過份擔心。⁣⁣⁣⁣

建議大家都係睇返英國政府/ council 網頁作準!!⁣

https://www.gov.uk/schools-admissions⁣⁣⁣⁣

⁣⁣⁣⁣

以下為英文原文:⁣

To apply to a state school, you go through your local council website. Your local council is determined by where you live. Yes you can apply out of your borough, but it is a little bit more complicated. As there are generally no school buses, it also takes longer to get your child to and from school. Most schools require a parent/registered with school adult to pick up your child until Year 5 (or some schools until Year 6.) ⁣⁣⁣⁣

Some examples of documents to show proof of address in state school admission: ⁣⁣⁣⁣

• a copy of your council tax bill; ⁣⁣⁣⁣

• a copy of a recent utility bill (gas, water, electric etc. dated within the last ⁣⁣⁣⁣

• six months); ⁣⁣⁣⁣

• a solicitors letter stating contracts have been exchanged and specifying a completion date and the new address; ⁣⁣⁣⁣

• a signed and dated tenancy agreement with the commencement date, plus proof of residency for example a copy of a recent utility bill. ⁣⁣⁣⁣

⁣⁣⁣⁣

State school types: ⁣⁣⁣⁣

• community schools, which are sometimes called local authority maintained schools – they are not influenced by business or religious groups and follow the national curriculum ⁣⁣⁣⁣

• foundation schools and voluntary schools, which are funded by the local authority but have more freedom to change the way they do things – sometimes they are supported by representatives from religious groups ⁣⁣⁣⁣

• academies and free schools, which are run by not-for-profit academy trusts, are independent from the local authority – they have more freedom to change how they run things and can follow a different curriculum ⁣⁣⁣⁣

• grammar schools, which can be run by the local authority, a foundation body or an academy trust – they select their pupils based on academic ability and there is a test to get in ⁣⁣⁣⁣

⁣⁣⁣⁣

Each state school is mandated to publish their admission criterion. For example: ⁣⁣⁣⁣

• home distance to school ⁣⁣⁣⁣

• sibling already at this school ⁣⁣⁣⁣

• from a particular religion (for faith schools) You will need your faith leader to fill in a form stating you have gone to worship at least once a month for at least a year ⁣⁣⁣⁣

• who pass an entrance exam (for selective schools, for example grammar schools) ⁣⁣⁣⁣

• who went to a particular primary school (a ‘feeder school’) ⁣⁣⁣⁣

• who are eligible for the pupil premium or the service pupil premium ⁣⁣⁣⁣

• whose parent has worked at the school for 2 years or more ⁣⁣⁣⁣

* Mid-year admission is normal. People switch schools for many reasons, such as relocation, clash with school culture, moving off the waiting list for first choice school etc. ⁣⁣⁣⁣

【London住shared flat 有乜要注意?】⁣居英港人資訊分享 ⁣⁣⁣by 餓底小姐⁣⁣⁣

衣、食、住、行都係搬到一個新地方需要考慮嘅地方。而對我個人而言,住十分重要,因為會影響到其餘三方面。⁣⁣⁣⁣今次我會分享下喺London 租房(shared flat) 嘅心得。

喺幾年前自己一個搬到London 時,又冇朋友喺London,唯有上Spareroom睇下自己心水想住嘅地方有咩房出租。 ⁣⁣⁣⁣

我搵房有幾個條件:⁣⁣Double room,純個人要求,因為我比較多個人物品。⁣⁣⁣⁣Share with professional,已經唔係學生,亦唔想過住學生嘅生活,同埋當時發現除左係postgraduate student,發現同undergraduate 住好似開始有代溝😅 唔係我年紀大(當時都只係25歲),而係大家講嘅話題都唔一樣,思想諗法都唔一樣。

⁣⁣⁣⁣⁣⁣Maximum share with 3 or 4 people。講真,除非果間屋真係十分十分大,如果唔係正常一間屋點會分到多過4、5間房。所以我為左唔住劏房,都會想同少啲人share,同埋人多自然shared kitchen、bathroom都會冇咁乾淨。

⁣⁣⁣⁣⁣⁣唔好有揀Housing benefits 嘅flatmate。因自己個人經驗,果啲property 通常居住環境,間屋本身條件都冇咁好。⁣⁣⁣⁣⁣⁣

Shared living room,都係自己個人要。我唔想我嘅活動空間只係自己房。我都想有時同下flatmate 有點互動時間,但係想要自己空間時又可以喺房休息下。⁣⁣⁣⁣⁣⁣

會唔會係existing flatmate 出advert? 因為其中一位要搬走而想搵一個新flatmate頂佢間房。以個人經驗,依啲property 都係租金比較平,但係bills on top 要share 番。同埋existing flatmate 都會睇番咁你夾唔夾。 如果你依啲flat,我都會預先message 佢,簡單介紹自己。睇下佢地對我有冇興趣。對於佢地嚟講,都想搵番個夾嘅一齊住 。

⁣⁣⁣⁣⁣⁣交通方便,最好喺車站10-15分鐘內嘅walking distance內。自己一個女仔,夜晚玩得夜的話,自己一個都想快啲行到返屋企。如果會比較多玩得較夜嘅朋友,亦可以睇下住嘅車站會唔會night tube service或者附近有night bus 巴士站。

⁣⁣⁣⁣⁣⁣網上搵到心水地方之後,當然contact landlord/ agent睇房(viewing)。我去睇房都會留意番幾個地方:⁣⁣⁣⁣因為我本身對清潔程度有要求,一定會留意除左自己房外,shared bathroom、kitchen 乾唔乾淨。如果你睇時唔太企理的話,你搬到入去時都唔會,因為佢一定執過先比你入屋。⁣⁣⁣⁣⁣⁣留意有冇地方係發左霉同有漏水情況。如果有可以要求入住前整好先搬入去。

⁣⁣⁣⁣⁣⁣有冇嘢係爛左?彈弓床墊會唔會已經係太軟要更換?都可以要求整好或換好先搬入去。注意英國床墊都係偏軟,有要求的話自己再買mattress topper 或者新床墊。

⁣⁣⁣⁣⁣⁣地方光唔光猛,都係個人要求,自己偏好有足夠陽光入房。英國已經唔多陽光,如果間房都唔夠陽光入房,都幾depress 下。自己本身喺香港係好怕曬,喺英國就好熱愛陽光😂⁣⁣⁣⁣⁣⁣

嘈音問題;如果太近繁忙馬路,冇開窗時仲會唔會聽到嘈音?聽到的話,自己會唔會接受到?⁣⁣⁣⁣⁣⁣Housemate/ flatmate 係咩人,例如問下佢哋係返咩工?會唔會係shift work? 如果係有時佢喺屋企時,佢可能休息緊訓緊教,為左其他人著想,唔好開太大聲音樂嘈住人。⁣⁣

⁣⁣⁣⁣如果租房係唔包bills的話,問下一個月平均bills 係交幾多,自己要預番個budget。冬天同夏天冇開heating,bills一個月可以差幾十鎊。⁣⁣⁣⁣⁣⁣House rule/cleaning schedule? 例如會唔會每人輪流清潔communal area。會唔會輪流買廁紙、清潔用品等。我亦見過個house rule 係vegetarian 或者唔食豬肉。⁣⁣⁣⁣⁣⁣

問agent/landlord,deposit 按金會唔會放入deposit scheme。依個係法規要求,deposit 必須放到deposit scheme,保障自己。我自己曾經住個地方冇deposit scheme(當時唔係必須)。搬走左半年先問到landlord 拎番deposit。🤷🏻‍♀️🤷🏻‍♀️🤷🏻‍♀️⁣⁣⁣⁣⁣⁣

如果間屋係分租比多過5人或以上,睇下間屋有冇HMO (Home Multiple Occupation) license。⁣⁣⁣⁣⁣⁣

有冇防火設備? 如滅火筒、滅火墊 (fire blanket)、smoked detector (必須)⁣⁣⁣⁣⁣⁣

我喺London 住過4個唔同地方嘅shared flat。自己住得最開心都係一間2 bedroom flat係同一對波蘭couple share。對couple 都係working professional,地方都乾淨企理。我哋都住得好開心,有時會一齊煮下飯、weekend約去其他地方玩。搵到夾得埋嘅flatmates 可以係friend for life。而喺London都好常見flatmate成為朋友,之後大家再搵一個更啱大家嘅地方搬去一齊住。

而我最快係可以一個星期內搵到想住嘅地方,整好晒reference同contract,而且搬到入去。有時要快起上黎英國人做嘢都可以好快😂 所以可以選擇先住airbnb再搵你喺London 住嘅地方。一般情況,room available date 1、2個月前就會出advert,但亦有點地方亦會係available now。⁣⁣⁣⁣⁣⁣

未嚟London 前最好先做定功課,甚至可以安排好幾個viewing 先。viewing 最好安排喺同一日或者相近日子。以免睇中咗一間,但係想睇埋其他房再決定,如果隔幾日甚至成個星期的話有可能會租咗比其他人。好嘅地方,都係搶手。Happy Room Hunting ☺️

搵房網站:spareroom

重申唔好用gumtree 搵屋,好多都係呃人。如有必要就比錢access Spareroom early bird, 可以早啲contact agent/landlord 安排viewing。如果唔係,就要等advet出咗7日後先可以contact。而房嘅條件可以利用filter 揀合適自己嘅地方。如果你冇一個specific area 想住的話,可以用spareroom advanced search by travel zone, London tube line 或者 commute duration。搵房都有分season,12月因爲聖誕節關係,都可能會比較難搵,因為少咗人喺果段時間搬走。

此文章純非廣告,純屬分享。⁣

【英國主要各大城市-Birmingham伯明翰 -居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

如果覺得倫敦貴生活指數高, 但係又想住係多商場又繁榮嘅城市. 可以考慮下英國的第二大城市- Birmingham. 雖第二大人口的城市,但生活開支水平卻遠低於倫敦。

睇下D樓價,價錢幾乎是一半甚至以下,租都比其他成市平。伯明罕 (Birmingham) 位於倫敦西北邊,是英國的第二大城市,也是英國相當重要的工業城市二戰期間比人炸溶溶爛爛,典維多利亞建築幾乎全被炸毀,所以呢個城市好Modern 好多現代建築,因此若是對建築有興趣的人就啱晒..Birmingham全英主要製造業中心之一,工業部門繁多,以重工業為主,世界最大的金屬加工地區..Land Rover)和(Jaguar)汽車,都係產自伯明翰. 金融、運輸、醫療和科技等不同類別的公司集結在伯明翰,反映了是其產業的多樣性。交通Birmingham 位於倫敦西北,乘火車到倫敦需1小時20分鐘。

英國政府批准了英國高速鐵HS2工程,London- Birmingham, Birmingham – Leeds、Birmingham – Manchester。Birmingham 將成為英國交通樞紐城市。遊玩

CannonHillPark是伯明翰首要的公園之一,並已經被授予GreenFlagstatus,有美麗的花圃,湖,足球場和樹木則證明了這個獎項。網球​​,高爾夫球。公園裡的保護區有著5英畝的森林土地被叫做’RSPB Centenary Plantation’。還一個與城市環境大不相同的景色。其實都幾似香港, 都是高樓、購物中心最大的購物中心就是——鬥牛場購物中心(Bullring)大家都可以考慮下呢個平價, 而又似香港呢個大城市…一定多姿多彩。

【英倫稅率⁣⁣⁣簡介】

英倫稅率⁣⁣⁣

⁣⁣⁣
原來有好多香港人都好關心英國嘅稅率啊,⁣⁣⁣
⁣⁣⁣
上一篇未能詳細列出,今日整左呢張圖,希望簡單比較返英國同香港嘅分別。⁣⁣⁣

想知乜野係英國國家保險可以睇下面d link!⁣
⁣⁣⁣
有錯漏歡迎大家糾正/補充,多謝上次有香港網友提供更多資訊:) ⁣⁣⁣
⁣⁣⁣

大家有咩想我地寫歡迎inbox⁣⁣⁣

------------------⁣⁣⁣⁣⁣⁣⁣⁣⁣⁣⁣
Lion Rock Hill UK 香港人來英落腳點⁣⁣⁣⁣⁣⁣⁣⁣⁣⁣⁣
兩個90後香港人於英國lockdown期間開嘅平台,無中武肺。⁣⁣⁣⁣⁣⁣⁣⁣⁣⁣⁣
希望盡小小力幫香港人,保留香港文化同精神。⁣⁣⁣⁣⁣⁣⁣⁣⁣⁣⁣

如果大家係想要最organise既落腳資訊,⁣
我哋website,Facebook,group同埋IG會有比較密同埋有系統嘅資料。不過歡迎大家係度交流/問問題。⁣

💛網址(最詳細英國落腳資料文章)⁣
lionrockhill.co.uk⁣


💛英國獅子山Facebook Page⁣
https://www.facebook.com/lionrockhill.uk/⁣


💛Facebook Group(比較有系統,有在英香港人解答問題)⁣
(香港人提供落腳資訊及協助,日後推廣香港文化,香港人交流)⁣
https://www.facebook.com/groups/595145971127236/?ref=group_mall




💛中文Instagram (分享英國生活文化知識、吃喝玩樂)⁣
https://www.instagram.com/lionrockhill.uk/⁣⁣⁣⁣⁣

💛🇭🇰🇬🇧另一戰線 Instagram (英文為主,在英推廣香港文藝、品牌、故事)⁣
https://www.instagram.com/lionrockhill.hk/





💛Whatsapp group(傾計交流用為主)⁣
https://chat.whatsapp.com/BmnKeB78OL5L5YmWzPVnX2⁣

💛Telegram group(傾計交流用為主)⁣
https://t.me/joinchat/SvDuKxq1kEmVMjPK0dZ-tw⁣

【英國打工V.S 香港大不同】分享個人經驗⁣

#圖文不同⁣
分享一下當初我黎倫敦工作,自己發現同香港打工最大既分別:⁣

一)我英國份工contract有25日AL holiday,加8日有薪公眾假期(如bank holiday及聖誕)⁣

二)香港有medical insurance,但英國人因有NHS所以公司一般唔會有額外medical insurance⁣
(#更正 sorry可能我份工7先冇乜福利,網友表示有d公司有annual bonus, free eye test, flu jab, event ticket, 2 days paid volunteering, flexi fours)

三)請病假七日內唔駛假紙⁣

四)每個月出果份糧係扣左稅同National Insurance (國家保險)先比你,扣完得返八成左右。唔似香港打工咁要自己報一年既薪俸稅。⁣

五)我份工OT有得第二日遲返/早放或者補水……本人高峰時期曾經一個月在香港OT 一百三十小時 😕 ⁣

六)同事放產假放左一年
(有薪產假唔係全薪; 多謝網友補充)
https://www.gov.uk/maternity-pay-leave)

七)呢邊炒人唔係話炒就炒,打工仔係可要求redundancy consultation,可以叫老細解釋點解炒人同埋告知員工公司有冇其他vacancy。phttps://www.gov.uk/redundancy-your-rights/consultation⁣

八)呢邊人工通常用annual salary形容人工,比較少聽人講月薪。⁣


=============

Lion Rock Hill UK 香港人來英落腳點⁣⁣⁣⁣⁣⁣⁣⁣⁣⁣兩個90後香港人於英國lockdown期間開嘅平台,無中武肺。⁣⁣⁣⁣⁣⁣⁣⁣⁣⁣希望盡小小力幫香港人,保留香港文化同精神。⁣⁣⁣⁣⁣⁣⁣⁣⁣⁣

多謝香港人加入,如果大家係想要最organise既落腳資訊,

我哋website,Facebook,group同埋IG會有比較密同埋有系統嘅資料。不過歡迎大家係度交流/問問題。

💛網址(最詳細英國落腳資料文章)

lionrockhill.co.uk

💛英國獅子山Facebook Page

https://www.facebook.com/lionrockhill.uk/

💛Facebook Group(比較有系統,有在英香港人解答問題)

(香港人提供落腳資訊及協助,日後推廣香港文化,香港人交流)

https://www.facebook.com/groups/595145971127236/?ref=group_mall

💛中文Instagram (分享英國生活文化知識、吃喝玩樂)

https://www.instagram.com/lionrockhill.uk/⁣⁣⁣⁣⁣

💛🇭🇰🇬🇧另一戰線 Instagram (英文為主,在英推廣香港文藝、品牌、故事)

https://www.instagram.com/lionrockhill.hk/

💛Whatsapp group(傾計交流用為主)

https://chat.whatsapp.com/BmnKeB78OL5L5YmWzPVnX2

💛Telegram group(傾計交流用為主)

https://t.me/joinchat/SvDuKxq1kEmVMjPK0dZ-tw

⁣【居英港分享BNO解讀-前入境事務職員Eddy】⁣⁣


⁣⁣
在英香港人Eddy知道我地需要幫手,就即刻PM我地問咩需要幫,跟著Eddy唔洗十分鐘就起左呢篇野比我地啦!😭😭😭😭😭好感動。呢個就係我所知既香港人⁣⁣⁣情味。今日充滿住想喊既感覺…好多香港人撐住大家。
⁣⁣
*利申,唔係任何移民agent*我地兩個已同Eddy傾過計知道佢係想幫大家!*

✏️大家有咩問題可以inbox留低,Eddy會盡量幫手分享!!✏️

「各位朋友,我過咗嚟倫敦差不多8年喇,而家英國政府改變對BNO嘅香港人嚟英國嘅政策,實在係好消息!⁣⁣⁣
⁣⁣⁣
我嚟英國之前係香港做啲小生意,係自己做生意之前係香港入境事務處做過一段時間(雖然唔係好長),因為當時仲係英國政府嘅公務員,所以都有受到英國國籍同入境條例嘅一啲訓練,希望可以分享到一啲資訊俾一啲BNO holders又想過嚟英國生活嘅香港人。⁣⁣⁣
⁣⁣⁣
因為而家英國政府宣布俾BNO持有人5年居留簽證,根據目前嘅資訊,簡單可歸納為以下重點⁣⁣⁣
資格:⁣⁣⁣
⁣⁣⁣
1)所有持有bno人士及其配偶(包括夫、妻及同性或異性伴侶)及其18歲以下子女或收養之子女。⁣⁣⁣
⁣⁣⁣
2)1997年6月30日或以前在香港出生而未曾申請或遺失或過期或損毀BNO護照之人士。⁣⁣⁣
⁣⁣⁣
3)第2類人士重新領回BNO護照後與等同第一類。⁣⁣⁣
⁣⁣
⁣⁣⁣
權利:⁣⁣⁣
⁣⁣⁣
1)獲得英國政府確認給予5年居留簽證後,即可來英國工作或讀書⁣⁣⁣
⁣⁣⁣
2)居住滿5年後可申請永久居留(permanent resident/unconditional leave to remain)⁣⁣⁣
⁣⁣⁣
3)取得永久居留權一年之後可申請登記入籍(British Citizenship by registration)⁣⁣⁣
⁣⁣⁣
⁣⁣⁣
因為呢個政策係啱啱宣布,有啲細節仲未清楚,希望內政部快啲宣布細節。例如:⁣⁣⁣
⁣⁣⁣
1)申請人來英之後嘅福利細節,應該細路仔讀書係免費,NHS聽兩星期前內政大臣建議係一人£400一年(?)⁣⁣⁣
⁣⁣⁣
2)在入籍之前於英國干犯嚴重罪行可取消簽證及遞介出境⁣⁣⁣(?)
⁣⁣⁣
⁣⁣⁣
另外關於永居及入籍申請資格前嘅居留在英日數都未宣布細節,但按現行規定條件如下,我相信應該對BNO 人士都一樣⁣⁣⁣
⁣⁣⁣
1)申請永居條件人士需在英國居住滿5年,而每年離開英國不得多於180天⁣⁣⁣
⁣⁣⁣
2)取得永居權後一年任何時間可申請入籍,居住條件是申請日算之前5年離開英國總數不能超過450天⁣⁣⁣
⁣⁣⁣
以上係一般情況,當然個別情況我可以再答組員嘅疑問。⁣⁣⁣
⁣⁣⁣
但我要強調仲要等內政部嘅正式細節宣布,希望呢幾日有消息⁣⁣⁣
⁣⁣⁣
仲有申請永居同入籍仲有兩個條件⁣⁣⁣
⁣⁣
⁣⁣⁣
1)通過英文考試⁣⁣⁣
⁣⁣⁣
2)通過lives in the UK test⁣⁣⁣
⁣⁣
⁣⁣⁣
唔好驚,要pass冇乜難度⁣⁣⁣!」
⁣⁣By 居英港人Eddy
⁣⁣⁣
------------------⁣⁣⁣⁣⁣⁣⁣⁣⁣⁣
Lion Rock Hill UK 香港人來英落腳點⁣⁣⁣⁣⁣⁣⁣⁣⁣⁣
兩個90後香港人於英國lockdown期間開嘅平台,無中武肺。⁣⁣⁣⁣⁣⁣⁣⁣⁣⁣
希望盡小小力幫香港人,保留香港文化同精神。⁣⁣⁣⁣⁣⁣⁣⁣⁣⁣
⁣⁣⁣⁣⁣
⁣⁣⁣
⁣⁣⁣⁣⁣

如果大家係想要最organise既落腳資訊,

我哋website,Facebook,group同埋IG會有比較密同埋有系統嘅資料。不過歡迎大家係度交流/問問題。

💛網址(最詳細英國落腳資料文章)

lionrockhill.co.uk

💛英國獅子山Facebook Page

https://www.facebook.com/lionrockhill.uk/

💛Facebook Group(比較有系統,有在英香港人解答問題)

(香港人提供落腳資訊及協助,日後推廣香港文化,香港人交流)

https://www.facebook.com/groups/595145971127236/?ref=group_mall

💛中文Instagram (分享英國生活文化知識、吃喝玩樂)

https://www.instagram.com/lionrockhill.uk/⁣⁣⁣⁣⁣

💛🇭🇰🇬🇧另一戰線 Instagram (英文為主,在英推廣香港文藝、品牌、故事)

https://www.instagram.com/lionrockhill.hk/

香港人 #移民英國 #英國資訊 #英國文化生活 #香港品牌 #香港文化⁣⁣⁣⁣⁣⁣⁣⁣⁣⁣

香港人加油

⁣【我個小朋友要幾時登記入學呀?- 居英港人資訊分享】by Katherine⁣⁣


⁣*黎緊7月11號香港時間21:30我地會同有25年教育相關經驗嘅Katherine搞一個45分鐘左右既live分享,大家留意返,詳情呢幾日公佈*⁣⁣
⁣⁣
⁣⁣(以下係我地基於katherine既英文資料同埋政府網嘗試翻譯,請大家都睇一睇政府網址核證!!!)⁣⁣
⁣⁣
⁣⁣
✏️三至四歲教育⁣✏️⁣⁣
⁣⁣
一般住係英倫既UK或歐盟小朋友三歲起至踏入五歲前,(一切一切都係要等BNO條文出黎先知香港BNO holders有冇得都可以享用!!!!!),如果符合條件,例如家長係返全職,賺夠一定人工,同埋政府話你可以接受津貼等等,係可以享有共1,140小時既free childcare,通常計返一年38個禮拜,每個禮拜30個鐘左右。⁣⁣
⁣⁣
如居英既residency card上「無」寫你可以享用政府資助,又或者你taxable income係100k英磅或以上就無得享用呢種津貼。⁣⁣
⁣⁣⁣
⁣⁣⁣
請一定要睇以下網站同埋去了解每一間學校:⁣⁣
https://www.gov.uk/30-hours-free-childcare⁣⁣⁣
https://www.gov.uk/apply-for-primary-school-place⁣⁣⁣
⁣⁣⁣
⁣⁣⁣
⁣⁣⁣
✏️小學⁣✏️⁣⁣
⁣⁣
每年1月15日前要向當地council申請, 等到4月中左右就會收到消息。家長可以揀最多六間學校。⁣⁣⁣
⁣⁣⁣
⁣⁣⁣
https://www.gov.uk/apply-for-primary-school-place⁣⁣⁣
⁣⁣⁣
✏️中學⁣✏️⁣⁣
⁣⁣
而中學亦都係透過council去申請。每間學校嘅deadline都唔同,一般會係10月31號前,但會有一啲學校會早啲,大家要留意返自己報果間學校嘅deadline啦!一般3月2號前會收到通知。中學同小學一樣,家長可以揀最多六間學校。⁣⁣⁣
⁣⁣
*注意:想子女入讀Grammar school嘅家長;Grammar school會係9月頭一兩個星期搞入學試,為想下一年入讀嘅學生進行測驗。⁣⁣⁣
⁣⁣⁣
✏️OFSTED 評分✏️⁣⁣⁣
想知邊間學校或者托兒服務好,非常建議大家參考下 Office of Standards in Education, Children’s Services and Skills (OFSTED)既評分。入面分為Outstanding, Good, Require Improvement, and Inadequate四個等級。 ⁣⁣⁣
⁣⁣⁣
https://reports.ofsted.gov.uk/⁣⁣⁣
⁣⁣⁣
⁣⁣⁣
✏️Before compulsory education at Age 5⁣✏️⁣⁣
If your UK residency card does NOT say you cannot access public funds or your taxable income is below GBP100k (* we need further details from BNO details), then⁣⁣⁣
your 3 to 4-year-olds in England can get 1,140 free hours per year. It’s usually taken as 30 hours a week for 38 weeks of the year, but you can choose to take fewer hours over more weeks, for example. You and your partner also need to be working full time to qualify for the 30 free hours per week, fewer hours if one parent is working.⁣⁣
⁣⁣⁣
https://www.gov.uk/find-free-early-education⁣⁣⁣
https://www.gov.uk/30-hours-free-childcare⁣⁣⁣
https://www.gov.uk/apply-for-primary-school-place⁣⁣⁣
⁣⁣⁣
⁣⁣⁣
✏️Application to Reception, which goes on to Primary School⁣✏️⁣⁣
This is through the local council. Deadline for application is 15 January, and parents will be notified of decisions by mid April. Parents can apply to up to 6 schools, but must at least apply to 3.⁣⁣⁣
https://www.gov.uk/apply-for-primary-school-place⁣⁣⁣
⁣⁣⁣
✏️Application to Secondary School⁣✏️⁣⁣
Application to secondary school is also through the local council. Deadline for application is usually 31 October. However, some schools themselves set earlier deadlines. For example, some grammar schools administer their entrance exam on the first weekday in September. Some schools have compulsory additional paperwork. You will have up to 6 choices and the council will assign your child school by 2 March. ⁣⁣⁣
*Grammar school spaces are determined by the entrance exam that you have to take physically at the school, usually in the first week of September for entrance the next year. ⁣⁣⁣
(Note: there are no grammar schools in central London, only in the suburbs.)⁣⁣⁣
⁣⁣⁣
✏️OFSTED Ratings⁣✏️⁣⁣
Office of Standards in Education, Children’s Services and Skills⁣⁣⁣
They inspect and regulate the above institutions. You can look up the rating of each school/child care provider. ⁣⁣⁣
⁣⁣⁣
https://reports.ofsted.gov.uk/⁣⁣⁣
⁣⁣⁣
There are 4 grades: Outstanding, Good, Require Improvement, and Inadequate.⁣⁣⁣
⁣⁣
------------------⁣⁣⁣⁣⁣⁣⁣⁣⁣⁣⁣⁣⁣⁣⁣⁣
Lion Rock Hill UK 香港人來英落腳點⁣⁣⁣⁣⁣⁣⁣⁣⁣⁣⁣⁣⁣⁣⁣⁣
兩個90後香港人於英國lockdown期間開嘅平台,無中武肺。⁣⁣⁣⁣⁣⁣⁣⁣⁣⁣⁣⁣⁣⁣⁣⁣
希望盡小小力幫香港人,保留香港文化同精神。⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣
🇬🇧英國主要城市資訊⁣⁣⁣⁣⁣⁣總目錄(已有33居英港人分享)⁣⁣⁣⁣⁣⁣⁣
⁣⁣⁣⁣⁣https://drive.google.com/file/d/1irzZdtIb2rTQ_tFwhihlfenq1wFTmSPQ/view?usp=sharing⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣
🇭🇰💛📣召集居英港人填表提供各城市資訊⁣⁣⁣⁣⁣⁣⁣⁣⁣⁣⁣
https://forms.gle/PK2BqYzRbiyWdM547⁣⁣⁣⁣⁣⁣⁣
⁣⁣⁣⁣⁣⁣⁣⁣⁣
🥇淺談英國private school制度及入學收生⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/3i22ZVN⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣
👗英倫生活消費分析~(附個人識食識玩好建議)⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/2XYSNWc⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣
📞英倫揀電話卡個人經驗分享⁣⁣⁣⁣⁣⁣⁣⁣⁣⁣
https://bit.ly/3dJEgDf⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣
💵英國銀行戶口攻略(英國或香港申請)⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/3cJyLD9⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣
🧐乜野係 National Insurance?英倫搵工一定要申請⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/30hMe2B⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣
🧐英倫搵屋攻略 邊度搵 點樣搵⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/3cLIjh3⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣
🙋‍加入FB Group: 英倫尋找屬於香港人嘅另一種生活,落腳點短租,同聲同氣群組及活動⁣⁣⁣⁣⁣⁣⁣⁣⁣⁣⁣⁣⁣⁣⁣⁣
https://bit.ly/2MIggVk⁣⁣⁣⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣⁣
⁣⁣⁣⁣⁣
💛Follow中文Instagram (分享英國生活文化知識、吃喝玩樂)⁣⁣⁣⁣⁣
https://www.instagram.com/lionrockhill.uk/⁣⁣⁣⁣⁣⁣⁣⁣⁣⁣⁣⁣⁣
⁣⁣⁣⁣⁣
💛🇭🇰🇬🇧另一戰線 Instagram (英文為主,在英推廣香港文藝、品牌、故事)⁣⁣⁣⁣⁣
https://www.instagram.com/lionrockhill.hk/⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣

香港人 #移民英國 #英國資訊 #英國文化生活 #香港品牌 #香港文化⁣⁣⁣⁣⁣⁣⁣⁣⁣⁣⁣⁣⁣⁣⁣⁣

香港人加油

【倫敦究竟住邊好-居英港人資訊分享】⁣⁣⁣⁣by 餓底小姐⁣⁣⁣

有一位好好心嘅香港女仔inbox 我哋,想幫幫香港人,而且解除大家對倫敦嘅誤會😆thank you so much 餓底小姐🥰

🌳London住邊好?⁣🌳⁣
⁣⁣⁣
我相信好多人考慮搬到英國, 到London好多人都會諗到好貴而London 2 bedroom property嘅租金中位數係£1400。 但係其實London 咁大, 有33個borough, 唔同地方都有價格上嘅差別。 ⁣⁣⁣
首先, 先講下一啲基本資料先。 ⁣⁣⁣
⁣⁣⁣
🌳London vs Greater London postcode⁣⁣🌳⁣
⁣⁣
由先搵地方住先了解咩叫postcode (郵政編號)。 英國postcode係由5至7個英文字母加數字組成而去確定實際地理位置。 所以根據postcode, 你可以知道個地方大慨位置同區。 而postcode可以影響房屋價格、車及家居保險費用等。⁣

London 有7組postcode: N (North), NW (North West), E (East), W (West), WC (Westen Central), SE (South East), SW (South West)。 另外仲有Greater London postcode 如 TW, EN, HA, KT, SM, CR, BR, DA, UB, IG, CM, ⁣

依啲地區都係London 附近嘅地區, 好多都係Transport for London (TFL) 嘅 travel zone 入面, 所以都會相對交通方便到達London 市中心。 Greater London 一般係指一條圍繞London嘅M25公路範圍內、但亦可以延伸到附近地區如Exssex。 注意未必所有Greater London 地區都係TFL travel zone 入面, 所以有啲地區係用唔到Oyster Card。 ⁣⁣⁣
⁣⁣⁣
🌳West vs East + regeneration area ⁣🌳⁣
⁣⁣⁣
傳統上London 都有個觀念係West London 係富, East London 就平民。 但係愈來愈多社區重建 (regeneration), 依家嘅East London 樓價唔一定比West London 平。 如果一定要對比的話, West London 會比較多戶外設施, 而East London 如Hackney,會搵到好多特式小店、cafe、food market。 ⁣⁣⁣
⁣⁣⁣
以下介紹幾個London內中位數以下嘅地方同我自己對果個地方嘅印象。 ⁣⁣⁣
⁣⁣
🌳South East ⁣🌳⁣
⁣⁣
Abbey Wood (Zone 4, SE2), 係London將會開嘅Elizabeth Line 其中一個站, 所以Elizabeth Line 開通時去Central London 就更方便。 而依家喺Abbey Wood 出London Bridge只需要30分鐘, 另外火車亦會到London Charing Cross 同London Cannon Street車站。 ⁣⁣⁣
⁣⁣⁣
價格方面2 bedroom flat 大約每月租金£1100, Shared House Single Bedroom 大約£450, Double Bedroom 約£550。 視乎包唔包水、電等雜費。 依個地方價錢比較平原因唔係一個Town,唔會有成條街都係店舖,附近都係民居為主。 Train station 附近有間大型超市, 買日用品都比較方便。 而最近嘅town 就係Woolwich Arsenal 或者到Greenwich。 ⁣⁣⁣
⁣⁣⁣
當然Woolwich (Zone 4, SE18)樓價上會貴少少,而且治安上比較差。我自己6、7年前住過, 夜晚由station 行到屋企5-10分鐘路程, 自己一個女仔行嘅時候, 的確要小心。 另外Woolwich 車站附近有較新屋苑 (Royal Arsenal Riverside)。 價錢會相對貴少少, 但治安同環境會比較好。 ⁣⁣⁣
⁣⁣⁣
🌳North West⁣⁣🌳⁣
⁣⁣
Cricklewood(Zone3, NW2) 係位置傳統貴價地段West Hampstead 附近, 交通都十分方便, 有Thameslink,10分鐘火車就到St Pancras 火車站。 而另一邊近Willesden Green Tube Station (Zone 2) 就係 Jubilee Line, 成個area 都係比較多民居,而且附近又有好多take away, bakery 唔同商店。近A5主路果邊會比較人多車多, 但係入左內街就係旺中帶靜。 而附近有個Gladstone Park, 天氣好時去行下散下步都幾好。 同時亦近Brent Cross Shopping Centre 同榮業行中超。 由於近A5同North Circular Road A406 同M1關係, 如果一有撞車、整路, rush hour時可以好塞車。 主要揸車出入嘅就要留意交通情況。價格方面2 bedroom flat 大約每月租金£1400, Double Bedroom 約£550至650。 視乎包唔包水、電等雜費、新舊同分租人數。 ⁣⁣⁣
⁣⁣⁣
🌳East⁣⁣🌳⁣
⁣⁣
Walthamstow (Zone 3, E17), 區內有幾個tube 同 overground 站, 而Walthamstow Central 就係Victoria line 尾站。 最年愈來愈多年輕人同家庭搬到區內, 因為樓價比較容易負擔而又近Central London。 而且區內有Shopping mall、戲院。 所以weekend都唔一定要到Central 行街shopping。 每月租金 £1300 2 bedroom flat Double Bedroom 約£500。⁣⁣⁣
⁣⁣⁣
🌳Greater London:⁣🌳⁣
⁣⁣
Kingston (Zone 6, KT2) 係好多家庭嘅熱門選擇地點, 交通方面有火車直達London Waterloo Station。 Kingston 市中心亦有Shopping mall 加high street, Asian supermarket 同大大小小嘅亞洲餐廳。 要行街買嘢, 日常生活十分方便。 Kingston 亦都好近Richmond Park, 同附近有London 韓國town 之稱嘅New Malden。 而大約每月租金 £1300 2 bedroom flat Double Bedroom 約£550。 ⁣⁣⁣
⁣⁣⁣
以下地方都係大約每月租金 £1200 2 bedroom flat, Double Bedroom 約£550或以下, 一啲甚至係更低: ⁣⁣⁣
Uxbridge (Zone 6, UB8) Piccadilly line 或Metropolitan line, 位於 North West London⁣⁣⁣
Enfield (Zone 6, EN1) Overground, National Railway, 位於 North London ⁣⁣⁣
Harrow (Zone 5, HA1) 區內有Bakerloo, Metropolitan 及Overground, 位於North West London⁣⁣⁣
Bromley (Zone 4, BR2) National Railway, 位於South London⁣⁣⁣
Bexleyheath (Zone5, DA6) National Railway, 位於South East London⁣⁣⁣
全部地方都有自己嘅town及shopping mall/ area, 亦容易到Central London。 因為regeneration area 嘅關係, 最近都有好多新樓盤發展。 ⁣⁣⁣
⁣⁣⁣
🌳搵屋小貼士:⁣🌳⁣
⁣⁣
搵屋最好唔好用網址gumtree。 出現過好多騙案。 另外如果向landlord/ agent 租間house share房, 而係租比5 人或以上, 可以問下landloard 或agent有冇HMO (Home Multiple Occupation) Licence 同比你睇下個Licence。 ⁣

上面會有指明最多租客人數, 以免出現劏房情況。 如果間房個價格同心目中嘅budget 差少少, 都可以去睇下, 然後睇下有冇價講。如果係租房的話, 仲有要睇清楚包唔包水電煤氣費, council tax、internet boardbrand等雜費。 如果唔包, 就要問下本身住緊嘅租客每月交緊幾錢, 正常平均都會係差唔多一個月£100左右。冬天可能會再貴少少因為要開暖氣。 ⁣⁣⁣

雖然因為Brexit少咗人嚟London住; 相對上容易咗搵屋, 但係如果對個樓盤有興趣時, 都唔好等太耐先決定。 好嘅地方始終都係會搶手。 ⁣⁣⁣
⁣⁣⁣
以上都係我自己個人感受。 當然決定前,都係自己再做下功課。 價格以2020年7月為準。⁣⁣⁣
⁣⁣⁣
實用資料網站: ⁣⁣⁣
London Rent Map:⁣⁣⁣
https://www.london.gov.uk/what-we-do/housing-and-land/improving-private-rented-sector/london-rents-map⁣⁣⁣
分租網站:⁣⁣⁣
https://www.spareroom.co.uk/⁣⁣⁣
Landlord 放租樓盆網站:⁣⁣⁣
https://www.openrent.co.uk/⁣⁣⁣
其他搵屋網站:⁣⁣⁣
Rightmove, Zoopla, Onthemarket,Primelocation⁣⁣

【英國主要各大城市-York-居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

一個被遺忘英國最迷人的中世紀古城 – YORK

預期個個都揀佢Manchester, Leeds 呢啲大城市,咁不如考慮吓其他城市可能機會更多..

York 都係屬於Yorkshire嘅一個城市, 連日個賭場都唔比起無嘅城市, 可以諗到呢個城市有幾高質素, 人就當然係斯文有禮啦. 所以絕對係一個理想生活城市..

約克,位於英國英格蘭東北部,北約克郡城市,隸屬於Yorkshire-Humber region,並具有自治市地位. 約克一直是北英格蘭的首府,地位相當於今天的倫敦。約克是英國最著名的歷史文化名城之一,擁有歐洲最大約克大教堂等名勝古蹟。

如果講生活質素,York一定比Manchester 同Leeds 舒服. 城市規劃比較闊落。沒有太大壓迫感…

York是一個充滿歷史的古城, York 曾經被羅馬同維京人入侵.留下來中世紀的街道、公園跟城牆建築等等。整個城市被城牆包圍,要行晒整個圍牆都需要有兩個小時.

92.8%白人

城市經濟
約克經濟主要是依靠服務業同旅遊業。約克的就業人口中有80.0%在服務業同旅遊業。約克的服務業包括公共服務部門、衛生、教育、金融、信息技術等行業。其中旅遊業吸納了10.9%的就業人口。

York大學附近的科學園區讓這個城市開始向科技和創新產業發展,這個城市也變為重要的國家科學城。York梗係全英國數一數二,好多人夢寐以求都想入到呢間大學. York還擁有幾所私立學校. 所以呢個城市都有好多就業嘅機會..

生活水平/物價

因為地區好質素好樓價自然相對地高. 租金£700-£1000 已經有好多選擇.

衣食住行/吃喝玩樂

都係嗰句la, 住喺Yorkshire 位置裏面既城市其實係一個好好嘅選擇。如果你哋鍾意風景優美,湖光山色嘅地方。Yorkshire 就有晒所有呢啲嘅優點。附近有唔同農場,我當你每個禮拜去一個地方, 一年你都唔會去得晒。以下我會放一啲網址俾大家參考。

交通
York火車站建築風格倒頗有幾分《哈利波特》的感覺。York火車站是連接London和愛丁堡的東部鐵路線的最為重要的站點之一,從約克乘火車去London只需要不到2個小時的時間,每個工作日有超過25趟列車經過約克。它也是經Birmingham, Newcastle, Edinburgh, 長途火車所停

你也可以乘坐火車抵達Newcastle、Leeds、Manchester、Manchester Airport和Liverpool。北方鐵路公司則連通了York and Hull, Leeds, Sheffield 和在其區間的城市和鄉鎮。

介紹嘅另一個大城市 – Leeds
https://www.facebook.com/100413548370346/posts/135298421548525/?d=n

有興趣知道呢一個城市-Manchester 曼城(曼彻斯特)
https://www.facebook.com/100413548370346/posts/134910918253942/?d=n

【英倫教育-State School政府學校開支-居英港人資訊分享】

小朋友教育有好多家長都想了解清楚,老實講我地兩個真係對呢方面無咩知識。

但有個好有心嘅香港人主動聯絡我地話可以提供有關教育方面嘅資料。

居英港人Katherine有25年以上教育相關經驗,其中主要工作係幫A-level改卷。

「I have 25+ yrs of education experience in 3 continents, mostly focusing on secondary school education and non-profit sector grassroots work. Currently working for UK exam boards on A levels. Have been in the UK for 7 years, before that almost 20 yrs in the USA (New York and Boston.)

(just to back up for a second, I only recommend maybe 1 or 2 extra curricular lessons) for primary school age child, all that on the list is way too much (maybe not in hk eyes but it is way too much) so the basic cost will also go down」

今個星期佢就分享左讀state school嘅開支比大家參考:) 

🦁我地或者會同Katherine搞一個LIVE,解答大家對教育嘅問題。大家有興趣嗎?

同埋Katherine黎緊都會幫手寫一d關於英倫教育既分享。大家留意下。感謝Katherine用自己時間幫大家!

**題外話Katherine話建議唔好揀多過3個課外生動俾小朋友,唔好俾太大壓力佢地呀! 😆

【英國主要各大城市-利茲Leeds-居英港人資訊分享】⁣⁣⁣⁣by #英國-H𝕂𝕠𝕟𝕘𝕖𝕣-⁵₁-小本館⁣

好啦又係我呀,我相信大部份香港人都對曼城好有興趣, 因為我收到好多唔同嘅message都係問關於曼城,其實大家行又忽略咗其他好多好好嘅城市。

今日我要介紹嘅另一個大城市 – Leeds

⁣⁣⁣利茲(Leeds),英國第三大城市,英格蘭West Yorkshire 首府。利茲市是英國第二大金融中心和第二大法律中心,國際化大都市,英國中部重要的經濟、商業、工業和文化中心,英格蘭八大核心城市之一,位於英國的地理中心,倫敦和愛丁堡之間,是英國重要的交通樞紐。

White: 85.0% (81.1% White British, 0.9% White Irish, 0.1% Gypsy or Irish Traveller and 2.9% other white)

Asian: 7.7% (3.0% Pakistani, 2.1% Indian, 0.8% Chinese, 0.6% Bangladeshi, 1.2% other Asian)

Black: 3.5% (2% African, 0.9% Caribbean, 0.6% other black)

Mixed race: 2.7% (1.2% White and Black Caribbean, 0.3% White and Black African, 0.7% White and Asian, 0.5% other mixed)

所以人種方面相比起曼城 Leeds就會比較多白人為主。

2019年12月26日,位列2019年全球城市500強榜單第320名。

係全球!!係全球!!係全球!!

城市經濟

⁣⁣英國中部重要的經濟、商業、工業、文化中心和交通樞紐,英格蘭八大核心城市之一,擁有完善發達的鐵路、公路網連接英格蘭南部和蘇格蘭

利茲是英國第二大金融中心,英格蘭銀行(英國中央銀行)在利茲設有辦公室,市區有三十餘家銀行、建築協會等金融機構的總部或者分支機構

利茲是英國重要的醫療中心,駐有眾多政府機構,英國衛生部和NHS在利茲設有分支機構,醫療機構眾多,利茲的St James’s Hospital是歐洲最大的教學醫院。

利茲是英國第二大法律中心,市區設有英國最高法院行政法庭分院和幾十家律師事務所,法律業提供了超過8000個工作崗位,利茲的律師事務所的經濟規模預計突破3億英鎊。

利茲也是英國第三大製造業中心,英國重要的工業中心城市,最大的子行業是工程,印刷出版,食品飲料,化工和醫療技術。

⁣⁣⁣

所以如果係專業人士係Leeds搵工嘅機會相對地容易。

⁣生活水平/物價

⁣⁣

Leeds平過manchester租金同樓價. Leeds中心一至两房大概£600-£800一個月.. 大家可以上rightmove 研究一下。

衣食住行/吃喝玩樂

住喺Yorkshire 位置裏面既城市其實係一個好好嘅選擇。如果你哋鍾意風景優美,湖光山色嘅地方。Yorkshire 就有晒所有呢啲嘅優點。

附近有唔同農場,唔同嘅行山徑都係大概一個鐘到個半鐘頭可到達。放假同小朋友去郊遊既地方多到數都數唔晒。

我當你每個禮拜去一個地方, 一年你都唔會去得晒。以下我會放一啲網址俾大家參考。

市內和周邊景點有Royal Armouries Museum, National Media Museum, Howard Castle, Harwood Palace, Leeds Industrial Museum, Leeds City Museum, Leeds Art Museum)等等

利茲坐落於風景優美的約克郡地區,Yorkshire Dales National Park, York Minster, Chadworth Manor (Darcy Manor), Whitby, Scarborough, and Peak Distric都在兩小時車程以內。

https://cn.tripadvisor.com/Tourism-g1526974-Yorkshire_England-Vacations.html

https://www.yorkshire.com/

【英國主要各大城市-曼城-居英港人資訊分享】by #英國-H𝕂𝕠𝕟𝕘𝕖𝕣-⁵₁-小本館⁣

我相信大家都好有興趣知道呢一個城市-曼城(曼彻斯特)⁣⁣⁣⁣⁣

曼徹斯特(Manchester),英國九大城市之一 ,人口約51萬。世界上最早的工業化城市 ,英格蘭西北區域大曼徹斯特郡的都市自治市、單一管理區,英國重要的交通樞紐與商業、金融、工業、文化中心。曼彻斯特其市區總人口在英國排名第二,僅次於倫敦。曼徹斯特以倉庫眾多聞名於世,別名「倉庫城市」。最重係咩?係有直航到香港

白人 (66.7% )

亞裔(14.4%)

非裔 (8.6%)

混血(4.7%)

華裔 (2.7%)

阿拉伯裔 (1.9%)

其他(1.2%)⁣

城市經濟⁣⁣

曼徹斯特是世界工業革命的故鄉,紡織工業一度較為發達。到到今時今日 Manchester是英格蘭主要的工業中心和商品集散中心,,60家國內外商業銀行,50家會計事務所,12家風險資本機構組織,眾多享有國際聲譽的律師事務所和無數的獨立金融交易所,使該市在國際金融業中佔有重要的位置。⁣⁣北部振興計劃” (Northern Powerhouse)解決南北失衡問題,同時將英格蘭北部打造成媲美倫敦的第二個經濟中心。

而這項振興計劃的核心就係曼徹斯特。英國政府扶持曼徹斯特城市發展,斥資巨資改善基礎建設,投資18億英鎊於大曼徹斯特區的港口、機場、鐵路、海洋工程、有機能源等多個領域;投資6億5000萬英鎊於多媒體、數字及創意產業;投資2億3500萬英鎊於曼徹斯特新型材料研究所;投資7800萬英鎊於曼徹斯特工廠、劇院和展覽中心。同時也中央政府也將下放更多權利,讓曼徹斯特市長掌握數十億英鎊公共資金,直接管理城市。所以Manchester係會有好多種類唔同嘅工種…⁣⁣⁣⁣⁣

生活水平/物價(果邊經濟環境點?大概套房/2至4人flat 近市區租房價格?)⁣⁣⁣⁣⁣⁣⁣曼城市中心一至两房大概£600-£900 一個月.. 大家可以上rightmove 研究一下。因為疫情關係暫時呢刻經濟環境係麻麻地,過咗疫情應該會好好多。如果係曼城近郊租金相對地會平少少。呢邊物價比香港平好多,一隻雞£2.xx. $1新鮮西冷牛扒£3.5-£5.0.係新鮮喎,唔係雪藏。

出街食嘢就可能會貴少少一餐大概10磅到20磅。⁣⁣衣食住行/吃喝玩樂曼徹斯特的主要公共交通方式有三種:電車(可以叫Tram,也可以叫Metrolink)、公交、火車,並且最市中心的區域還有一種非常友好的交通方式——免費巴士(Metroshuttle)。市中心大多數的都是可以靠步行和免費,但曼聯、曼城球場等景點就需要坐電車或巴士前往了。。⁣⁣曼城屬於去哪兒都方便。英國國內的倫敦、伯明翰、利茲、愛丁堡,歐洲的巴黎,阿姆斯特丹,法蘭克福等大城市,都在曼徹斯特的2.5小時交通半徑內. 也可以直飛北愛爾蘭,蘇格蘭首府愛丁堡,都係好平.火車兩個半小時直達倫敦euston火車站,4個小時直達愛丁堡火車站,1個半小時直達利物浦與伯明翰,一個半小時​​到達湖區,所以其實係好方便….

【英國主要各大城市-倫敦-居英港人資訊分享】

1️⃣果個城市既歷史?人口分佈?(有冇邊d人口特別多?)⁣

倫敦作為英格蘭最大的市城和首都。係2019年居住人口已經高達九百萬人,而且咩人種都有,人口總數比香港仲要多。其實早於公元50年羅馬人已經係泰晤士河流域一帶活動,時至今日倫敦已發展為歐洲之中最重要城市之一。

2️⃣城市經濟(果個城市有冇特別吃香既行業?果邊經濟最多人重視咩行業?)

就係2018年倫敦嘅GDP產出就已經有接近£500 billion(£500,000,000,000),足足佔左整個英倫四分一GDP。同香港一樣倫敦主要都係以金融服務業為主,單單係倫敦就已經有超過480間海外銀行。大部分專業人仕都會留係倫敦搵真銀。同時係脫歐之前亦吸引唔少歐洲唔同種類人才去倫敦搵食。另外留意番旅遊業亦都係倫敦主要收入來源之一,疫情前倫敦旅遊相關嘅行業相當吃香,China town啲遊客日日都好似倒水咁 衝入去你就知咩事啦。

3️⃣⁣生活水平/物價(果邊經濟環境點?大概套房/2至3人flat 近市區租房價格?你一個月衣食住行用幾多錢左右?)⁣

呢個主題其實我地係早期setup呢個page時(一個月前…)已經寫過,大家可以睇番下面條link。

https://bit.ly/31vzZQz

4️⃣點解適合香港人?(有冇當地香港人成功搞生意例子?)

倫敦係我去過英國咁多城市當中,可以食到最多其他國家美食。岩哂出名為食嘅香港人。另外倫敦大城市節奏同經濟模式都同香港幾相似。仲有仲有倫敦附近剩係機場都有六個,個個星期飛去歐洲玩,都幾中產。

5️⃣衣食住行/吃喝玩樂,住左咁耐有咩感想(有咩個人心水推介?城市附近有咩好去處?)

鍾意歷史文化藝術嘅各位一定唔可以錯過倫敦免費嘅博物館。我次次都會唔覺唔覺就行左半日。倫敦啲博物館大到呢…唔信?你搵日自己行下!London內各個Market都值得大家去行下試下發掘下,出少少有Windosr castle, Legoland, Warner Bros. Studio, Thorpe Park主題公園帶埋小朋友去玩都係一個唔錯嘅選擇!

其他城市將會陸續登陸呢個平台,請大家繼續支持。

英國private school貴得合理?⁣(淺談其教育制度及入學)

很多人都好關注如果BNO平權後,其子女可否在英國讀書。其實在英國政府還沒有公佈任何詳情之前,所有事都是未知知數。⁣

簡單來說,英國主要分私立學校和公立學校。前者是非政府資助而後者則是政府資助。⁣

這篇主要先探討私立學校 (private school)。大家要有心理準備private school學費為廿十多萬到四十多萬一年不等,當中亦有分寄宿和非寄宿。⁣

當然這個收費下private school的師資和學習環境都比公立學校要好,因此牛津大學當中有超過六成學生是讀私立學校。⁣

如果各下有意送子女來英國讀書的話私立學校,的確有很多選擇。但建議因應小朋友興趣去找合適的學校,因為英國私立學校很強調就著小朋友個人天賦發展,而非填鴨式的教育。⁣

畢竟每一間學校的強項和收生條件也不一樣,所以最好找一個private school agent case by case的跟進。⁣

有一些學校會著重在運動發展上(踢英超不是夢)。有些會著重藝術方面,當然亦有唔少在學術上非常出色。⁣

加上現在英鎊受脫歐問題影響匯率維持低位,如果想小朋友長遠有更好的教育和發展,而且各下經濟能力允許的話。私人學校的確是不二之選,亦無需煩惱BNO將來會否容許讀本地公立學校的問題。⁣

香港在回歸以前一直是跟英國教育制,所以兩者大致相同,大家可以參考以下流程。

============================================================

小學教育⁣

就讀私立學校的兒童在七歲時,從幼兒學校升入Preparatory School 預備學校。⁣

就讀預備學校 (Preparatory School) 的兒童在十三歲時即轉入私立中學就讀。⁣

年滿十三歲的學生通常需要通過統一入學考試,方可進入私立中學就讀。不過有些私立中學也錄取年滿十一歲的學生,與公立教育系統較為吻合。統一入學考試是所有學校的共同考試,考卷是由學生自己報考的中學批閱。⁣

很多英國中學認為統一入學考試並不適用於來自不同教育制度國家的國際學生。因此很多中學都願意調整入學程序與條件,好讓國際學生進入就讀。⁣

學生在中學至少要唸到十六歲,才能參加考試,如果通過考試才能取得中學教育普通證書(GCSE);即香港以前的會考(HKCEE)。GCSE需要大約兩年的準備時間。大多數學生學習五至十門科目。⁣

取錄要求⁣

英國的寄宿學校選擇多,而且有不同特色,學校收到入學申請後,大多會參考港生在香港前兩至三年的成績和課外活動表現。⁣

另外,不少寄宿學校會要求學生應考入學試,包括Ukiset(Independent School Entry’s Test)、共通(統一)入學考試(Common Entrance Examination)等,形式大同小異。⁣

其中UKiset考試時間為2小時,共有3份卷,包括推理測試、英語測試及英語寫作,推理測試考學生邏輯思維推理、空間分析能力、文字邏輯推理,要求學生運用數學概念解決現實問題等,校方會按成績決定是否接納學生入學申請。⁣

除了入學試,校方亦會要求申請人參與面試,一般透過視像形式進行,部分著名英國寄宿學校更會安排教師或校長於指定時間來港面試,目的是測試學生英語對答能力和對學校的了解程度。⁣

各位家長可以思考一下什麼是最適合小朋友成長的教育。畢竟未來是交給一代的!⁣

#帶團睇學校有無得諗
#我都好想讀書呀⁣
#返學嘅時光係最美好

------------------

Lion Rock Hill UK 香港人來英落腳點

兩個90後香港人於英國lockdown期間開嘅平台,無中武肺。

希望盡小小力幫香港人,保留香港文化同精神。


-加入FB Group 英倫尋找屬於香港人嘅另一種生活 同聲同氣群組及活動

https://bit.ly/2MIggVk


-支找我地另一個page在英推廣香港文藝、故事、品牌(英文為主)

https://www.instagram.com/lionrockhill.hk/

🍜Follow IG 每日update 英倫生活文化 資訊

https://www.instagram.com/lionrockhill.uk/

英倫生活消費分析!(附個人識食識玩好建議)

倫敦生活預算

聽過好多香港朋友講覺得英國好貴,驚過嚟生活指數太高。
但其實呢,咁啱呢幾日Mercer report出咗最新「全世界最貴城市」統計,香港又排全世界第一!而倫敦只係排第十九。

英國消費指數對香港人嚟講都唔算差天共地。
今次我哋淺淡下英國生活各方面消費水平,等大家過嚟英國生活可以有個預算!

1)住-租金

作為國際大城市嘅倫敦,好多人都認為係倫敦住會好貴。無錯,某程度上都可以幾貴。

其中租金佔每個月嘅支出最多,睇番2019嘅條數,住宿基本上會佔左你收入一半咁濟。但當然好睇你住咩地區啦!


之前我哋分享嘅英倫搵屋攻略都有大概講過,其實倫敦只要唔介意住出少少,都可以用千鬆磅住得好大嘅地方。我哋身邊朋友嚟working holiday 4個女仔share一間zone2嘅house,每人大約550磅左右包所有bills。

相反,分享下我哋比較有錢嘅奧地利情侶朋友住倫敦Zone 1 東邊Shoreditch嘅情況,佢地租咗一間位於Shoreditch嘅1 bedroom靚 flat:

租金:£2,500/月

Council tax: £1344/年

以佔43.7%黎計,估計佢地每月after tax income至少有 £5,721(£2,500/43.7%),先夠應付!

所以想住Zone 1又要住靚屋嘅朋友仔就要好好考慮下啦!

不過因為疫病關係奧地利情侶將會搬番去奧地利,而且其實倫敦好多人都因為疫情回國,相信未來倫敦租金將會稍微回落。

2)食

自從英國3月尾lockdown開始,我地都極少出去食飯(都無餐廳開門LOL),基本上我地由早到晚都係自己屋企煮。所以可以分享下完全唔外出用膳嘅費用俾大家參考下。

主要消費嘅超級市場:Tesco & H mart (韓國超市)

平均每星期買一次餸, 一般每次消費約£80左右

以下為二人份量

早餐: 腿蛋通/ 牛油果芝士bagel/蛋治 加杯咖啡

午餐: 一餸一飯

晚餐: 兩餸一湯+甜品

P.S 如果你堅持要食 菜芯、白菜、通菜、豆苗、芥蘭呢類嘅菜就要有心理準備啦

因為以上嘅菜係英國一啲都唔平。實屬上等菜!一餐三人份量嘅通菜要大約4-5英磅

一包10KG日本珍珠米,價值£30.99(係,我哋係鐘意食日本米所以花費不少)

其他5KG 泰國米大約10英磅

利申:非Vegan或 Vegetarian


無飯主義者既話,呢邊d人勁鐘意去PRET買wrap丫三文治丫沙律做早餐/午餐,連咖啡嘅話大約6-7磅。倫敦office 區通常會有food market賣下burger、fish & chips、asian飯盒大約9磅左右。

出街食晚餐好睇你食咩,一般出SOHO食意大利/日本/英式野,人頭計average晚餐£25-£30左右,starters通常£6-£8,mains就大約£15-£18。但話事話倫敦食西餐真心高質,性價比又高,只需要£2x /per head就享受到香港價值$4xx質素嘅西餐。當然要貴都可以食到好貴啦!如果想請我食請快快DM我!


總括嚟講,如果肯自己煮野食,唔係餐餐大魚大肉嘅話大約£2-£3可以煮到一餐,同埋呢邊嘅grocery食物質素都好高,好多蔬果都好fresh,又有好多英國製造嘅有機產品。Haagen Dazs家庭裝特價果陣只係3磅!!!而且Muller牌yogurt特價果陣25p就有一杯~~好多正野架都!

倫敦衰在唔會好似香港咁有50蚊以下平靚正既大份野食,要食得飽(同埋要食熱野嘅話)起碼要8磅先搞掂。呢邊係唔會有30蚊一碗米線、幾蚊雞蛋撻同埋8蚊串魚蛋…:(

3)交通 - 公共交通

Tube

以前我星期一至五要由Zone2搭巴士+Tube到Zone1 返工,所以我會買weekly TFL pass £36.1或者monthly £138.7。以前香港月費黨鐵卡都只係四百幾,英國交通真心貴

如果唔想買pass,用Oyster/ Contactless Payment Card 搭車嘅話每日都會有個上限cap,而且大家記得用Oyster/ Contactless Payment Card搭Tube會比起用cash平一半@_@

大家可以去下面條link睇番唔同zone之間daily cap (按番大家嘅唔同需要)
如果大家主要市中心 Zone1-2 來回嘅話,每日cap大約7英磅左右。

https://tfl.gov.uk/fares/find-fares/tube-and-rail-fares/caps-and-travelcard-prices

Single journey就可以參考以下張圖


Bus

搭巴士只係£1.50…但唔會動搖到我日日揸車嘅決心!


交通-自駕

作為一個揸車J,會留意油價有無跌,早2個月因為疫情跌到落谷底,油價只係像徵式跌少少,我對眼反到一個點。但無辦法地我只好死死氣地去入油…以我架VW Golf TDI柴油車入滿一次油要大概£70,可以行到500miles (唔入City)左右,等於800KM。幾耐入一次就睇返你自己有幾常揸啦!相信有係香港揸車嘅朋友都好難接受,無錯呢個就係事實。

4)娛樂


如果以一般香港人鐘意禮拜六日都出街消費嘅活動嚟講:

市中心一張2D成人戲飛大約8-10英磅
飲咖啡Latte大約3磅
Museum 例如Tate Modern, Natural History Museum, V&A 等等都係free admission,特別展覽就通常12-18磅入場費


我哋住city outskirt而且鐘意大自然行山,好少出市中心行街食飯。如果我哋嘅娛樂消費主要係去

英國National Trust嘅景點(例如城堡,花園,大宅,行山路徑等,一年membership兩個成人任去係10英磅)同埋英國皇家園藝學會Royal Horticulture Society嘅花園(一年membership兩個成人任去 48.75英磅)



而且倫敦有好多公園同埋walks 可以行,例如夏天好多人跳入public pool 游水嘅Hampstead Heath公園,Regent’s Park,Greenwich Park,Hampton Court Palace等等,都係我哋會周末去嘅地方,行下草地,食下雪糕,睇下風景同埋望下花就一日。除此之外,倫敦有好多weekend market,例如Boardway Market咁樣,有好多小店賣咖啡、賣野食、書店、麵包店、飾件、vintage衫~比較出名大家都聽過嘅有Brick Lane Market(賣vintage衫/野食/等等),或者Peckham Indepedent Ceramic Market呢d手作市集都係免費入場。

Peckham Independent Ceramics Market


旅行方面,英國十分大,比如南邊有出名嘅海邊Cornwall 同Dorset,倫敦以上有英式田園小區Cotswolds/山區Peak District,中部有York,北部有湖區,再上可以直達Scotland。搭火車去一個weekend都係非常方便。而且London Kingscross 有EuroStar直達Paris/Belgium等地,有特價嘅時侯可以平到29英磅一張巴黎單程火車飛。



相信大家都知如果要去其他歐洲國家有Ryan Air, Easy Jet 等廉航,幾十英磅就可以去到意大利/西班牙等等。


總言之,豐儉由人(廢話)~不過英倫無大家想像中咁貴,只可以話最貴就係交通呢一part,同埋食野冇香港幾廿蚊嘅平民美食。希望可以幫到大家,如果對於嚟英國生活或者落腳有問題,歡迎搵我哋問清楚啊~

------------------

Lion Rock Hill UK 香港人來英落腳點

兩個90後香港人於英國lockdown期間開嘅平台,無中武肺。

希望盡小小力幫香港人,保留香港文化同精神。


-加入FB Group 英倫尋找屬於香港人嘅另一種生活 同聲同氣群組及活動

https://bit.ly/2MIggVk


-加入Telegram Group 加入來英香港人同聲同氣群組、日後活動公佈

https://t.me/joinchat/SvDuKxq1kEmVMjPK0dZ-tw

🍜Follow IG 每日update 英倫生活文化 資訊

https://www.instagram.com/lionrockhill.uk/


英國睇醫生文化大不同 點解喺英國要爭氣唔好病?(NHS簡介)

雖然好希望大家都唔需要用到呢邊嘅醫生,但常例檢查同小病都係難免:( 所以各位要嚟英國嘅香港人要了解下呢邊嘅醫療系統啦!

咩係NHS?睇醫生駛唔駛錢?


英國嘅醫療制度同我哋平時香港所認識嘅好唔同,英國嘅國民健康服務(National Health Service,簡稱NHS)係一個屬於社會福利性質,全民免費嘅公共醫療系統。英國居民及符合條件的外國人都可以享受免費或部分免費的醫療服務。換句話說,每一個英國人睇醫生係一.蚊.都.唔.駛.比。(藥另計)早前未脫歐啲人就係嘈點解咁多歐洲人可以黎英國享受NHS服務。

NHS不嬲都充滿爭議性,當年亦有好多醫生反對成立免費嘅公共醫療系統。聽聞每日NHS每36小時處理100萬個病人,係一個長期受壓而且唔夠人嘅公共醫療系統。好多英國醫生都寧願自己出黎開,錢又多d要睇既病都少d。因此NHS入面係有好多第三國家或東歐嘅醫生,亦都有人因為批評英國醫療質素。

另外一樣同香港好唔同嘅野就係睇病同拎藥係分開嘅,大部分情況下你會需要拎住門診GP醫生開比你既藥單再自己去Pharmacy執藥。


NHS主要由以下幾部分組成:

1)門診General Practitioners (GP)

醫療中心、社區診所:裡面嘅醫生都係General Practitioners,即係全科醫生GP,佢地負責處理最普通常見病症和健康諮詢、為病人開藥、負責將病人轉診俾專科醫生和醫院。除急症之外,病左都要先睇左GP先。

每個住宅區都會有屬於自己neighbourhood嘅GP診所,就好似你嘅家庭醫生咁,一登記左醫生就可以check返你之前嘅健康同看診記錄。所以一到埗嘅你就要喺自己住果區登記返。第時有輕症、打針、檢查都係要先睇左GP先。

2)醫院
急症:Accident and Emergency Department,簡稱A&E,病人可以自己去或打電話叫救護車,處理緊急情況嘅病人。

專科:例如心臟科、皮膚科、婦產科、耳鼻喉科等,GP醫生處理唔到嘅病人就會轉介到專科。

住院處:負責需要住院或手術嘅病人,一般都係由急診或專科醫生決定。

3)牙科、眼科、藥房、精神科、特殊醫療等服務
大部分平時睇牙、洗牙、剝牙等牙醫服務,以及驗眼配眼鏡等眼科服務都唔包入免費服務範圍入面,除非你係受資助低收入人士,以及18歲以下學生等等。

點樣登記GP?

上NHS網站輸入你所屬嘅postcode :https://www.nhs.uk/service-search/,就會幫你搵出最近嘅GP診所,NHS會安排一個時間叫你去親身登記。


一定要帶:

1 地址證明

2 身份證明 (Passport/ Driving licence)

3 Registration form (optional)

下…個個都免費,條龍咪好長?排GP要等幾耐?
無錯,英國NHS最大嘅缺點係等待長時好長。通常快嘅等一個禮拜,一般都要兩個禮拜。所以呢一個系統係令解釋咗點解外國人感冒係飲Ginger Lemon Tea 同Hot Tea LOL 通常小病病好都未排到appointment。由於咁,英國人被培訓到唔會好依賴呢個醫療系統。

當然如果touchwood你有嚴重d既病症,唔好猶豫,即刻contact GP或者去醫院求醫啦。如果醫生都覺得你個病症需要提供協助,佢都唔會叫你等個幾禮拜咁衰既,就算未咁快有appointment timeslot比你上門求醫,GP會問下你既病症之後搵相關既醫生直接打電話比你聽診,如果有需要會進一步安排醫療程序。

下…
無得一唔舒服就有得睇醫生…咁點請sick leave?
哇咁架你!淨係諗請SL!
Er 其實都要知下既,如果真係唔舒服又去唔到睇醫生,需要抖一兩三日既話,英國公司通常都唔會要求醫生紙。出黎行講個信字。通常如果你消失多於七日公司就會要求有醫生證明。


咁睇完醫生點拎藥呢?
GP醫生會開一張綠色藥單比你,之後你拎去有綠色十字嘅合法藥房度配藥。之前睇過每一項藥物係8.8英磅(29/6/2020更新, 有香港網友update而家變左£9.15),但有時自己出去Boots、Tesco、Sainsbury配有可能仲平。

等咁耐 睇私家醫生有冇選擇?
如果想好似喺香港咁方便睇醫生,係可以嘅。不過係!好!貴!醫藥費大概都要80磅起跳,係香港嘅兩倍。


用NHS過來人心得感想…

好老實咁同大家講我黎左英國接近十年都只係用過一次NHS 咁大把…

當時我Hay fever(花粉症)太嚴重,連氣都透唔到,所以先焗住搵GP…果次其實都唔係即時解決到。個人小結論係小病靠自己,大病先搵GP或者A/E (Accident & Emergency)。

NHS聽落咁麻煩…難怪咁多在英香港人每次返香港做下檢查、睇下牙、check下眼都已經變成例行公事!

聽完係咪覺得身在香港有得咁快睇醫生好方便呢?不過其實NHS都有唔錯嘅地方。其中一樣係女生嘅福音-NHS為合資格嘅女性會提供免費子宮頸抹片檢查~
詳情請睇: https://www.nhs.uk/conditions/cervical-screening/

遲啲我哋可以介紹下呢邊有咩常用藥物或者其他關於醫療嘅topic。有咩唔明如果想搵個人問清楚,好歡迎你msg我哋~我哋會盡量答!

**網友報料如果買了PPC(prescription prepayment certificate )就可以免費配藥。有三個月同十二個月plan,3個月£29,12個月£104。

------------------

Lion Rock Hill UK 香港人來英落腳點

兩個90後香港人於英國lockdown期間開嘅平台,無中武肺。

希望盡小小力幫香港人,保留香港文化同精神。

加入FB Group – 英倫尋找屬於香港人嘅另一種生活 同聲同氣群組及推廣香港文化活動

https://bit.ly/2MIggVk

🍜Follow IG 每日update 英倫生活文化 資訊

https://www.instagram.com/lionrockhill.uk/

英國電話卡點揀好啊大佬

有咩電訊商同通常點玩法?

EE,O2, 3 & Vodafone都係英國主要嘅電訊商,而佢地旗下有好多唔同嘅品牌。

1. Pay as you go
唔駛焗住上台,非常彈性,即叫即蒸,無錢即cut。
而且通常好多選擇,有數據package亦有分鐘package,不過而家都唔多人煲電話粥啦:( 連電話粥呢個term都唔知乜春啦而家d後生

2. Pay monthly sim (12 months contract)
好似平時香港啲月費上台plan咁,間唔時有啲上台優惠。適合過嚟長期生活又知道自己長期需要一定流量/分鐘嘅人。

點樣買最好?機場有無?

除左門市之外,超市都可以買到各大電訊商嘅電話卡。一般電訊商都可以上網直接order張sim卡去你屋企。

Heathrow T2,T3同T5都有SIM Local 嘅實體店同Vending Machine賣各大電訊商嘅sim 卡。如果想知其他機場可以入呢個網睇:https://www.simlocal.com/store-locations/ 作為一個普通90後,以我理解嘅大眾需要,建議你哋落機求其買張sim card用住先頂住到埗頭幾日,再揀第日心水長遠想用嘅電訊商,上佢個網top up或者揀鐘意嘅plan。因為機場offer果d通常都比較貴。

Sim Local Shop locations


我哋推介邊間?

相信如果一般旅行黎英國嘅朋友會聽人推介用Giffgaff多,原因係夠平同夠方便,你可以online order sim card直照送去你屋企或者搵朋友一早order定俾你,等你一落機就有得用。但如果香港人嚟英國生活長遠用,我個人唔推介Giffgaff,好多人嘅feedback話Giffgaff 係倫敦嘅signal唔穩定,其實佢都只不過係一種虛擬電訊商,用緊O2嘅network去提供connection,所以想慳錢同機不離手嘅朋友仔就要認真諗清楚啦!

如果你有打算長時間留係英國,個人就建議用返最大電訊商EE或者O2,因為係倫敦區收得最好同最穩定,即使去到一啲偏辟啲小鎮都收到無問題。

另外EE嘅Pay as you go用剩左嘅data 可以roll over 到下個月,同埋可以隨時send個message就轉到plan,岩哂成日改變主意或者budget嘅香港人! (疫情期間唔駛返工我都轉左5磅嘅plan LOL)

歐洲跨國使用

有一樣好緊要嘅野係脫歐前用英國嘅sim card係可以係歐洲通用。換言之,去歐洲旅遊嘅你係唔需要買過張sim card而用番英國嘅plan,真係仲方便過去日本呀!

但隨住英國未來會全面脫歐,呢個scheme唔知會唔會保留呢? 大家就要繼續留意我哋嘅page~一有消息我地會立即同大家分享!

Giffgaff Pay as you go月費計劃
EE Pay as you go 月費計劃
O2 Pay as you go 月費計劃

大家可以就住個人需要去join唔同嘅Plan啦!  主要就住大家每月所需嘅數據用量去決定。

倫敦其實已經有5G網絡,但感覺覆蓋率唔係好高,除非你係潮流嘅頂端,如果唔係我建議大家等多一排等到個技術再成熟少少先轉plan。

如果想搵個人問清楚,好歡迎你msg我哋~我哋會盡量答

------------------

Lion Rock Hill UK 香港人來英落腳點

兩個90後香港人於英國lockdown期間開嘅平台,無中武肺。

希望盡小小力幫香港人,保留香港文化同精神。

加入FB Group – 英倫尋找屬於香港人嘅另一種生活 同聲同氣群組及推廣香港文化活動

https://bit.ly/2MIggVk

🍜Follow IG 每日update 英倫生活文化 資訊

https://www.instagram.com/lionrockhill.uk/

開設英國戶口(在港或在英申請方法)

而家開銀行戶口嘅方法有好多,亦都十分簡易。呢一篇文會介紹current account嘅入門教學。

可唔可以喺香港開戶口?
當然如果你本身可以存款起碼二十萬以上,好似Barclays呢啲銀行係會有方法幫你省卻地址證明及親身海外開戶口嘅程序。而香港各大銀行都有提供海外戶口服務,好似HSBC咁會要求你有100萬港元先可以免手續費申請。建議你主動聯略銀行查詢海外開戶口嘅方法,或上網參考離岸戶口資訊。
但如果大家未能喺香港已經開辦海外戶口,到英國有齊文件去網上或分行申請,通常一個星期內就可以成功開戶並收到銀行卡。

去邊個銀行開account純屬個人意願,分享下我嘅個人經驗,本身我係香港都有個HSBC account,當時諗住過黎英國用返HSBC無死啦,點知英國同香港嘅職員都同我講佢地其實係無實際關係。如果你本身香港有account,黎到英國HSBC職員會叫你開個英國account,但係錢都唔可以直接轉過去英國…聽落好廢!!但唔好咁灰住,如果你用香港HSBC卡去番英國HSBC嘅提款機,每日可以禁到£590,手續費都只係幾鎊咁大把,所以如果急用錢或者小額嚟講都幾方便。

Lloyds可以話我覺得最容易申請嘅銀行之一,好多第一次黎英國讀書或者working holiday嘅朋友都會去Lloyds開銀行戶口。服務仲好唔錯,手續亦都好簡單。本人係用Lloyds所以資訊會比較齊,而其他銀行都有share有用嘅links。

文章分成以下幾部分:
1)英國銀行簡介
2)開戶口所需文件
3)開戶口流程
4)網上銀行及簡介(Monzo)
5)推介網站

1)英國銀行簡行

主流英美資銀行: Lloyds, Natwest, Barclays, Santander, HSBC, Halifax etc.
中資銀行: 中國銀行, 東亞銀行

以下簡介最常見幾種銀行分別:

HSBC
香港上海滙豐銀行有限公司1865年喺香港建立,而家已經係世界上第七大銀行。當然大家都知匯豐近年有咩威水史啦。

(方法一)如果你係香港卓越理財客戶,你係香港已經可以免手續費開到海外戶口。否則就要比大概千幾港元嘅手續費。其他香港銀行亦都可以開到離岸戶口,但呢度先集中先講講HSBC點開海外戶口。

在港開設英國海外戶口
Step 1:網上預約或致電預約 https://internationalservices.hsbc.com/zh-hk/index/account-opening/

Step 2:帶備所需文件到分行申請
詳細要帶嘅文件同埋到時職員會問咩可以睇呢度:https://www.hsbc.com.hk/content/dam/hsbc/hk/docs/accounts/applyaccount-note-en.pdf
到分行填完申請表同交哂文件之後,HSBC聲稱最快兩個工作天可以成功開戶。

Step 3:等收卡
大概一至兩個星期就會收到英國寄嚟嘅Debit卡(有無朋友可以告知呢張卡有冇得英國用contactless?)、信用卡同支票簿。咁你就可以未出發已經將港元轉成英磅,可以提早用銀行服務,或者唔駛帶住一大舊錢過嚟!

(方法二)如果人在英國,可以先打去唐人街HSBC預約。Appointment當日帶香港有你名嘅HSBC statement去開戶口,一日就開到。請記得預約,walk-in人數好多。有咩其他有用文件都帶定啦。

Barclays
最歷史悠久英國銀行。全國有多於千五間分行。
開戶口方法:https://www.barclays.co.uk/current-accounts/

申請方法:
-如有英國地址證明及電話:可以用Barclays app直接辦理,
-如無英國地址證明及電話並於九十天內會到達英國:可以上網登記及預約開戶口,並於申請後九十日內到分行辦理。




Lloyds
英國四大銀行之一,由1765年成立有多年歷史。而分別於英國及Wales已有多於一千一百多間,可以講係隨便都搵到一兩間係左近。


呢個官網有簡介每一種account分別及申請方法,有興趣可以詳閱。

https://www.lloydsbank.com/current-accounts.html
本人係用Club Lloyds account,如果你每月有1500磅入落房口就可以免去每月3磅費用,比一般戶口嘅好處一係用戶可以享用1-2 % AER利息,好處二係每年可以選擇其中一頊lifestyle福利,包括六張戲飛、訂閱雜誌、十二個月網上租看電影及用餐折扣。

值得注意嘅係,Lloyds有列明申請者必須為英國居民、EU Nationals或可合法待留起碼十二個月,所以就要睇下英國政府會唔會正式給予BNO持有人十二個月喇。
NatWest
英國另一“四大銀行”之一,有約一千間分行。此銀行有推不同類型reward accounts,包捨cashback,旅遊保,車保,airport private lounge等等服務。注意返,NatWest同Lloyds一樣都列明申請者需為十八歲以上英國合法居留人仕。

開戶口所需文件:https://personal.natwest.com/personal/current-accounts/what-do-you-need-to-open-a-current-account.html
戶口簡介及申請:https://personal.natwest.com/personal/current_accounts.html 


2)申請所需文件

無論你係咩國家嚟,只要有英國住址證明及身份證明文件,就可以到各大英國銀行開戶口。英國一般開銀行戶口需要以下文件,當然帶定所有文件就無死,但最主要為頭三頊:

-英國住址證明(有部分銀行如果見你有UK passport就可以省略。一般可接受嘅證明為水電煤帳單、稅單、銀行月結單、租約、英國車牌等。但如果剛到埗未能提供以上文件,幸運地亦可以使用申請National Insurance政府比你果封信、僱主出嘅信或留學學校證明當地址證明。
-身份證明文件(Passport、車牌、居留證明如BRP及visa等)
-入息證明(銀行月結單、稅單、合約等)
-工作證明
-非英國住址證明(如無英國地址證明,可以帶同過去三年在港嘅地址證明。例如Barclays會接受此類證明)



3)開戶口流程

一般如有個人及英國住址證明簡單網上/apps都可以辨理,但如果冇住址證明,通常銀行都會refer你直接去分行辦理。

到分行過程大概30-45分鐘。問題都係來來去去幾樣野,黎左英國幾耐,做咩黎英國,需要開咩戶口。只要只要帶齊所需要資料兩星期內銀行就會寄張contactless debit card去你所住嘅地址。

-passport
-住址證明
-現金 (順便入落account)
-你自己

收到你人生第一張英國debit card就快手去返果間銀行嘅ATM改埋個password同埋開設online banking啦!同香港有少少唔一樣嘅係,喺唔同銀行嘅ATM提款都唔需要手續費。換言之,當你拎住Lloyds嘅card去Barclays嘅ATM禁錢係無問題!

4)網上銀行簡介

呢2年英國好興Monzo、N26呢種虛擬銀行,興得就緊係有原因啦:

-門檻低 (只需要download個app之後提供你個身份證明文件、電話、地址,大概兩個working days,佢就會寄張實體card俾你。注意Monzo唔需要你俾住證明,但需要一個可收信嘅地址!其實只要你有朋友係英國可以幫你收信,而你又信得過佢,你就可以好快開到戶口)
-自動分類你洗左啲錢去邊 (對想好好控制開支嘅朋友的確係一個唔錯嘅功能)
-及時消費記錄 (洗左幾錢會立即會有notification話你知)

有好處就一定會有壞處,由於Monzo係一間虛擬銀行入cash落戶口就無咁方便啦。如果你無其他實體銀行戶口直接過數去Monzo房口,要去到任何有pay point嘅地方入錢,每次入£5-£300要俾服務費,六個月內仲只可以入£1000咁大把。

有關Virtual Banks可以上以下website慢慢睇,嚟緊我地都會寫一寫受倫敦人歡迎嘅新潮虛擬銀行簡介及玩法!
https://Monzo.com/
https://n26.com/en-eu

5)推介網站
開設Monzo戶口教學:https://www.flyasia.co/2020/06/01/monzo/
簡介及比較各英國銀行(利息,要求等)英文網站:https://www.comparebanks.co.uk/

開設離岸戶口教學:https://www.gobear.com/hk/blog/bank-account/how-to-open-offshore-accounts

寫住咁多先,我哋每日都好努力用lockdown嘅時間寫緊唔同香港人嚟英國要知道嘅資訊。
如果你打算過英國生活而又需要更多資訊、想問意見或想認識我哋,歡迎contact我哋!

**以下係網友報料

Bank account: If you can obtain HSBC ‘Premier’ status from HK, you can get HSBC UK ‘Premier’ status without putting in the same amount of GBP in UK account. Note, only for ‘Premier’, not ‘Advanced’.

Housing (buying specific): All banks will have restrictions on non-BC mortgage applicants. Halifax is one of the major banks with least restriction for non-BC applicant. Other banks will not consider your application at all if you haven’t lived and worked in UK for at least a year…

英倫搵屋攻略

相信大家嚟之前最concern嘅野就係住邊同埋搵唔搵到工,所以就想先整合咗英倫搵住宿最重要嘅資訊先!好多人話英國生活指數好高,樓價同香港一樣咁貴。我個人覺得喺英國較多選擇~同埋肯搬出少少會搵到唔少surprise。始終英國地多,就算同香港一樣水平嘅租金,相對空間感大好多,密度亦低。

  1. 認識倫敦地區

倫敦由三十三個行政區(Borough)組成,而Transport for London(TFL)將倫敦分為九個大Zone。同香港一樣愈中心嘅地區就愈多經濟活動,租金同樓價都因為咁而比較高,不但生活所需咩都有,而且喺倫敦市中心內返工都好方便。

但咁樣又唔完全代表住係核心嘅外圍享受唔到英倫生活。The Elizabeth line 嚟緊將於2020年落成,呢條係一條打通左由東倫敦去西倫敦嘅快線,加上倫敦歷史悠久嘅Tube System,基本上只要有Tube或Overground嘅地方都勁方便。對於日日都要搭交通公具嘅香港人黎講搭一頭半個鐘Tube濕濕碎啦!住出啲租金平啲,又多啲機會接觸大自然,做一個真正嘅英國人。

以下交通時間比大家參考,我哋嚟緊會有另一篇英倫交通嘅詳細介紹。:
-由市中心Zone1嘅Oxford Circus到西邊嘅Paddington(搭Bakerloo Line需時15分鐘)
-由東邊Zone1嘅London Bridge到西邊Zone1嘅Notting Hill站(搭Jubilee及Hammersmith Line需時35分鐘)
-由Zone3東邊嘅Straford到Zone1 市中心Piccadilly Circus站 (搭Jubilee及Bakerloo Line需時45分鐘)
-由Zone6西邊嘅West Drayton到北邊Zone1嘅Kingscross站(搭GWR train及Hammersmith Line需時50分鐘)
所以其實真係好睇你住果個位置有咩line,住Zone5-6都唔代表要穿州過省先到市中心嘅(唔好再歧視住得遠嘅屯門友/zone6仔女)。


(資料來源 London TFL)

  1. 倫敦房租價格
    如果你十分有錢想了解點樣係英國置業,呢個page未必啱你。講下笑啫,若果好多人有呢方面嘅需求我哋可以遲啲同大家分享。不過現階段想向大家分享下一落機後點樣搵地方落腳,個人建議剛到埗時,能夠投靠當哋熟人係最好不過, 但係無嘅話都可以選擇Airbnb短租,之後好好利用頭幾日去適應時差,再慢慢搵合適嘅住宿。

    以下有幾樣因素大家要考慮:返工時間(學校或工作地點,主要金融區為Canary Wharf, Farringdon, Barbican,Bank,Liverpool Street 一帶)
    1. 去市中心嘅時間?幾耐要去一次市中心?
    2. 居住環境(周邊有冇公園Post office NHS/有冇前園後園/社區minority etc.)
    3. 想住咩類型既屋?(Terrace /Semi-detached/Detached/Cottage/Flat)
    4. Housemate人數?
    5. 要唔要包傢俬?
    6. 間房要幾大?日光夠唔夠?
    7. 駛唔駛個人洗手間?
    8. 駛唔駛獨立廚房?
    9. 需唔需要私人車位?
    10. 每月預算?跟據https://www.london.gov.uk/嘅2019資料,以2 Bedrooms單位大家可以參考租金如下:

以上因素都影響左你嘅實際租金, 當然同人Share Flat租金一定會比較平,但係室友嘅質素就睇你好唔好彩啦。

  1. 邊度搵屋?
    以下分享幾個英國常用找單位或者屋嘅網站同渠道 (絕無廣告成份…有就好了LOL)

Facebook Marketplace係近幾年先興起嘅渠道,當中會有Agency同Private Landlord, 而Facebook 入面有一啲group會分享spare room資訊大家可以留意下,例如:

”英國打工渡假簽證UK Working Holiday 搵工,搵住宿群組”、

“英國生活資訊:長租/短租/轉租/跳蚤市場”

”英國打工渡假情報站-租屋及二手買賣版”

”台灣人在英國 Taiwanese in UK”和”[新版] HK Working Holiday Makers @ UK   (英國工作假期)

呢一類嘅單位一向都係target港台黎嘅working holiday人仕,所以溝通一定不成問題,同埋租約比較flexible,是短租首選! 當然詳細要同返landlord傾啦!建議大家搵嘅時侯可以運用Google map行下London感受下小區嘅feel,如果上網睇都覺得怪怪地就咪哂時間去睇樓啦。

另外如果想搵英國agency嘅話可以留意以下網站:
以下網站可因應地區,價錢,房間數量同單位嘅類型去分類,你可以按自己需要去搵適合自己嘅單位。

Rightmove – https://www.rightmove.co.uk/

Zoopla – https://www.zoopla.co.uk/

On the Market – https://www.onthemarket.com/

Primelocation – https://www.primelocation.com/

注意佢哋都會跟足規矩, 大部分都要至少6個月contract,如果無收入証明就要一口氣交哂6個月租加埋 1.5個月deposit之後又一堆雜費, 總括黎講就係要拎一舊錢出黎。

但當然agency有海量單位係手,又有agent跟你份租約,遇到差屋主嘅機會相對低。

英倫房屋類型 (我就鐘意cottage喇,你呢?)
  1. 開始搵屋
    1. 英國出租房屋類型
      1. House
        一排一排嘅英式小屋相信係唔少人嘅憧憬,而英國人對園藝嘅追求係全球數一數二,相信黎到嘅你哋都會羨慕英國人細心打理嘅屋。如果你係同另一半黎/同屋企人黎/同fd夾租,可以afford到一間屋嘅話當然最好啦!英國有好多選擇,搬出少少你可能已經搵到£3000有4房3廁又有大花園/私人車位嘅屋,係香港點搵呀?
      2. Flat/ Apartment
        如果afford唔到租屋,倫敦都有好多質素好高嘅單位。我以前住位於東倫敦嘅Greenwich(格林威治區)近年發展得好快,都起左好多兩三層高嘅Apartment property,有河景又有管理公司打理。
      3. Shared Flat/ House
        同人合租係比較適合working holiday/學生 /單身嘅選擇,如果岩岩過黎未想commit太高租金又唔介意同人share可以考慮下。通常廚房廁所要share,要輪流打掃。有好有壞,好彩嘅話搵到性格夾嘅flatmate可以好似住大學宿舍咁開心,黑仔嘅話遇到烏糟又嘈生活作息唔夾嘅flatmate都幾難搞。如果需要更多privacy可集中搵有獨立廁所嘅套房(Ensuite)。而住Shared House就有可能enjoy埋前園同後園。
      4. Studio
        比套房大少少,又未稱得上Flat嘅單位。有廚房,浴室,活動空間。

  2. 租金包咩?
    搵屋嘅時侯要注意租金係All,Partial定係No bills included。Bills係講緊水、電、Gas、網絡同埋Council Tax (英國嘅地區council會每月向房子擁有人收取費用,用黎向當地社區提供服務,例如收垃圾,派垃圾袋,街燈等等)。如果搵到All bills included就當然最好,冬天用幾多暖氣都唔怕(當然唔可以日日無限沖涼放題)。我有朋友嘅房東好慳家唔比佢哋開太耐暖氣,搞到我個friend凍病左,所以入住前每一樣野都要好小心咁留意。
    1. 訂金(Deposit):確認入住前要比五至六個禮拜嘅租金,如果你退租嘅一刻因為你而有乜家電破損,僱主有權係你嘅訂金入面扣除。呢度留意下,都唔少案例僱主會而各大小理由去拖錢或者扣錢。係英國其實有法律規定要房東收到Deposit 30日內要將訂金放落Tenancy Deposit Protection Scheme入面,由英國政府做擔保。房東同租客有咩糾紛嘅話就會經第三方押方保管機構解決,以防筆錢「被消失」。
    2. 留房費(Holding Fee):當你想房東幫你保留房間嘅時侯,就會需要比留房費。而呢筆錢通常可以用返黎交租。有人曾經分享過,有屋主會呃人話自己唔係英國,提供左屋嘅相話唔方便帶你睇樓,見你幾鐘意間屋就呃你過住留房費先,所以各位見唔對路就唔好亂信人喇。

  3. 預約睇房 &注意事項(暗示搵人幫手一齊揸車去唔同地方睇屋)
    一定!一定!一定要親身去睇房!親身睇過中伏機會大減,以防入住果刻先發現不必要嘅surprise。就算你係google map行過果條街幾多次,有好多野要現場先感受同觀察到。比你係房東都會放大間屋嘅好處,將缺點縮細。如果你本身係香港都已經會做足功課搵定屋又知幾時到英國,可以預先約定到步果個禮拜房東睇屋再落決定都唔遲。搵樓咁重要,唔好急,最緊要快。LOL

    如果你係想經agent搵房嘅話,有某啲公司會揸車帶你一次過睇幾間。如果你係直接搵房東租屋嘅話就要自己事先安排好交通。

    睇房果陣記得要留意以下幾點:
    1. 附近環境:唔好淨係睇你租果間屋/房,留意下果一個社區係咪適合自己。比如所選嘅地方附近有冇銀行/大supermarket/中超/餐廳/Post Office等等基本商店?或者有冇足夠文娛設施?(倫敦大大小小公園都有三千幾個,有撻草地好閒)成個社區氛圍係點?住緊咩年齡層/人種多?安唔安全?
    2. 交通:駛唔駛行好耐先搵到tube/train/overground/bus station?有幾多條line可以搭?如果OT或夜歸嘅話有冇方法唔坐勁貴的士返黎?(啋過你呀!我黎英國就係唔想再OT!)夜晚行路危唔危險?
    3. Housemates/Landlord:「你的housemate如何,你的日子也必如何。」如果睇房果日佢哋係度就更加好!傾下計攞多啲資訊去了解佢嘅作息習慣/性格/係咪成日開p。另外留意你landlord係會live in定live out,我哋相信大部分人都唔會想同你包租公一齊住,沖涼沖耐啲都驚比人小。
    4. 日光:提提大家英國夏天嘅日照時間長得驚人,最癲果陣4點幾天光10點個天先黑哂,如果你係night shift nurse間房又冇窗薕就恭喜你喇。
    5. 暖氣/風扇:英國冬天可以好凍所以係必定有暖氣的,想穩陣啲你可以叫landlord試開。而夏天都可以好很熱,一般都唔會有冷氣,如果landlord有提供風扇係bonus。
    6. 廚房:我哋好鐘意煮野食,所以廚房係用明火定電磁爐係好影響我哋租唔租一間屋!各位master chef都要留意下你套架餐岩唔岩你心水,有冇洗碗機/幾多個爐頭/焗爐等等。

  4. 簽約前要注意嘅細節
    1. 租約期:通常放租果陣已經有大約列明,一般係半年、一年同兩年。呢邊冇香港果種生約死約嘅文化。如果想提早完約合約上都有break clause列明。
    2. Terms:睇清楚重要資料有冇串錯寫錯,電器傢俬壞左邊個負責,水電煤邊個比,完約要點處理同埋幾耐,准唔准許再出租等等。有興趣詳閱可以去政府網睇清楚https://www.gov.uk/private-renting-tenancy-agreements/what-should-be-in-a-tenancy-agreement

  5. 入住新屋
    恭喜你搵到心儀嘅地方!你係英倫嘅生活又踏進左一大步。記得一去到就check下所有野有冇損壞,有就盡早同landlord提出。如果你租果間屋係Partial/ No bills included我哋會有另一個教學簡介同說明點樣交各種費用。


    多謝大家睇哂咁長嘅住宿攻略,我哋會keep住upload更多唔同住宿有關嘅教學及建議,同埋寫下某啲社區介紹/發展/casestudy等等,方便大家日後係英倫嘅生活。

    資料及圖片來源https://www.movesmartly.com/articles/2017/06/detached-home-for-sale-is-actually-linked-to-property-next-door
英國Terrace Houses
英國Semi-attached Houses
英國Apartment

搵工前要申請嘅National Insurance(NI)簡介及申請流程

一)乜野係National Insurance?
話說人生有兩樣不能避免嘅事-死亡同交稅。但sorry,係英國打工嘅你係要比更多嘅雜費-除左交稅之外你仲要交NI。乜野黎?好多人將NI同一般薪俸稅混淆,National Insurance其實係一種保障國家及社會保險系統,有交NI嘅人就可以有資格享用國家嘅福利,例如產假、退休金、養老金等等。所以打算要黎英國打工或者自僱嘅你,一落地就要申請NI number喇。搵工嘅階段係需要提供NI number比僱主,雖然部分公司可以接受後補NI number,但方便起見,建議大家一落地就要申請。一黎英國果陣都覺得好無奈,點解要交咁多錢?辛苦做野做左一個月扣左呢樣果樣之後,真正落袋舊錢好似同fresh grad出黎個人工一樣lol 但而家諗返就明白其實都係為自己好嘅一種保障制度,所以大家快啲搞掂佢啦!

二)咩人要申請National Insurance ?
如果你係符合以下條件就要申請:

A)受僱人仕(週薪£183或以上)
B)自僱人仕(一年盈利£6,475或以上)

三)大概要比幾多錢?點樣計?
National Insurance同Income Tax唔同,Income Tax嘅稅率係基於年薪而定;而NI交幾多係視乎你出糧果個period賺幾多錢而定:

-週薪介乎£183至£962為12%
-週薪£962以上為2%

四)幾時要比?幾耐比一次?
打工仔嘅話,你出糧條數就係先扣左NI同Income Tax嘅Gross Income。每一期payslip會顯示左你NI嘅contribution。自僱人仕

五)如果我自己做生意駛唔駛比?
NI主要係保障打工仔,作為老闆嘅你可以選擇自願性供款,或者請返自己當僱員咁交。

申請流程&時序https://www.gov.uk/apply-national-insurance-number
申請過程其實唔複雜,打個電話填下form再面試就搞掂。建議一落地就盡快處理,因為NI果封信如無意外會係你最先擁有嘅地址證明,方便你去開銀行戶口,搞車牌等等,而且有時面試要等幾個禮拜先有空缺。打之前請你確認你可以合法喺英國做野。

Step One:打電話
到埗英國後打去政府NI專線。

National Insurance number application line (England, Scotland and Wales)
Telephone: 0800 141 2075
Textphone: 0800 141 2438
Monday to Friday, 9am to 3pm
Find out about call charges (https://www.gov.uk/call-charges)

電話嘅工作人員會問你一啲簡單嘅問題(少聽英式口音嘅朋友係時侯可以J下!)。大致內容如下:

1. Why do you apply for NI number? (咁都要問?係咪當我地香港人on9?)
2. Are you living in UK now?
3. What is your visa type? (希望不久既將來我哋可以驕傲咁答:我係揸BNO合法過黎做野同生活既。)
4. Did you apply for NI number before? (我諗睇得呢篇既你都無掛?)
5. What’s your contact number?
6. What is your date of birth?
7. What is your nationality?(香港人!HONG KONG!)
8. Do you have any other nationality?(自由作答)
9. Are you single? 

個人資料問題(要小心讀清楚,英國人串英文字母既方法同我哋平時用開唔同,我哋有另一篇教學)
1. What is your surname?
2. What is your given name?
3.  What is your address & Postcode? (如果未咁快搵到屋既話,可以係你落腳點既地址,總之你收到信就得)

簽證問題(如果你唔係英藉而係揸visa黎英國)
1. Where is your visa issued?
2. When is the expiry date of your visa?
3. Where is your BRP issued? (而家未知BNO持有人駛唔駛申請BRP,但Tier5 working holiday既持有人入境係需要拎BRP。BRP係合法居留期內既屬於你既ID card,出入境都必須要出示)
4. When is the expiry date of your BRP?

Step Two:預約面試
電話工作人員會同你預約面試時間同地點,而且會講一組16位數字既Reference numbre(請抄低!),通常打完電話五個工作天至一個禮拜內政府會寄一封面試詳情既信比你。通常面試既地點都係你果區,大部分面試係Job Center舉行。


Step Three:面試
請確認你有帶備信內列明既文件(睇圖),基本上帶哂任何證明到你合法工作及留英既資料就無死。去到等嗌名再提供你既文件,工作人員會拎去影印,問你關於個人資料、簽證等問題同埋幫你填form。有咩唔清楚放心慢慢問慢慢答就ok,過程都好簡單易明,到最後係form度同埋BRP/ Passport影印本簽返名就ok喇。


工作人員會比一封通知信你,話你知大概等六至八個星期就可以收到NI Number,如果冇收到就打返電話講返信上既Reference Number跟進。工作人員提供比你既臨時證明文件可以比你未收到NI Number之前搵工用。僱主會接納呢份文件,受到NI Number後補返就ok。當年面試過程我大概用左半小時就搞掂!

Step Four:等收信視乎你到埗果段日子多唔多人申請,如無意外六至八個星期就會收到一封好簡單既信,入面有列明你獨一無二既NI Number。好好保存呢封信同埋抄低係安全既地方~你英國既生活就踏出左成功既第一步,恭喜你!

我哋陸逐會有更多文章幫香港人開始英倫新生活嘅post出嚟,如果唔明可以social media inbox或email我哋,好願意解答。